Bügin Astanada tamız konferenciyasınıñ plenarlıq mäjilisi ötti. Soñğı uaqıttı  mwğalimder qağazbastı jwmıstan bosamaydı. Olardı köptegen qwjattardı toltıruğa mindetteydi degen mäseleler jii qozğalıp jür.Osığan baylanıstı bilim jäne ğılım ministrligi biıl arnayı bwyrıq şığardı.

Atalğan bwyrıqta mektep mwğalimi toltıratın qwjattardıñ naqtı tizimi körsetilgen. Endi mwğalimder bes qwjat qana toltıradı, ol - jurnal, kündelik, balalardı sumativti-formativti bağalau, küntizbelik jäne pändik jospar. Mwğalim tek osı qwjattardı ğana toltıruğa mindetti. Basqasına uaqıt ketiruge mindetti emes delingen.

Ministrliktiñ aytuı boyınşa,  mwğalimderdiñ jüktemesin odan artıq köteruge bolmaydı. Bwdan bılay mektep basşılığı artıq jwmıs berse, arız tüsiruge boladı. Bilimdi baqılau departamentine xabarlasuğa boladı. Onday departamentter barlıq oblıstarda bar. Arız tüsse, tiisti şaralar qolğa alınadı.

“The Qazaq Times”