Qara jamılğan auğan äyelderi. Foto; EPA/BBC.

Särsenbi küni Auğanstannıñ ortalıq qalası Kabulda terrorlıq toptıñ qarulı sodırları ükimetke qarastı qarulı küşterdiñ jattığu bazasına şabuıl jasadı. Ükimet tarabınıñ mälimetinde terrorlıq toptıñ şabuılı asa swrapıl bolğan.

Osıdan säl ğana bwrın jankeşti sodırlar qalanıñ batıs jağındağı oqu orındarınıñ birinde jarılıs jasap, birneşe ondağan studentti qırşınınan qiğan. Joyqın jarılısta 48 adam mert bolıp, 67 adam zardap şekken edi.

Qandı särsenbide qaza bolğan studentterdi jerlep jatqan twsta, jankeşti top jattığu bazasına qwtırına şabuıl jasağan. Şeteldik jurnalisterdiñ jasağan foto reportajdarda qayğığa batqan otbasılar, közi jastı qara jamılğan äyelder negizgi keyipker boldı.

Öñirdegi BBC tilşileriniñ habarına qarağanda, jarılıs şitter qonıstanğan mañdağı oqu orınında, studentterdiñ emtihan tapsırıp jatqan kezinde bolğan. Küşti jarılıs örimdey jas boyjetken-bozbalalardıñ ömirin qiğan.

Soñğı kezdegi terrorlıq şabuıldardıñ küşeyuine baylanıstı Auğanstan jwrtınıñ ükimetke degen senimi barğan sayın azayıp baradı.

“The Qazaq Times”