Erdoğan Tramptı sınğa aldı. Foto: NYMag.

Türkiya prezidenti Rejep Tayıp Erdoğan keşe şeteldegi ökiletti elşilerdiñ konferenciyasında mälimdeme jasadı. Ol AQŞ prezidenti Donal'd Tramptıñ sankciya jönindegi şeşimderin jäne sırtqı sayasatın jerden alıp, jerge saldı. Sonday-aq, Türkiyağa qısım jasau onıñ halıqaralıq jetistikterin köre almauşılıq dep bağaladı. Bwl turalı sol eldiñ «Anadolı» aqparattıq agenttigi habarladı.

Erdoğan sözinde «Türkiya basqa salalarda qısımğa wşırağanı sekildi, ekonomikada da ülken bir qorşaumen betpe-bet kelip otır», – dedi. Ol jäne 2013 jılğı Gazi oqiğası, 17-25 jeltoqsan aralığındağı qwqıq salasına bağıttalğan töñkeris jäne 2016 jılğı 15 şilde töñkerisi sındı äreketterdiñ tağıda jalğasuı mümkin eken, Türkiya bwl sındarğa tötep beruge dayın bolu kerek ekenin eskertti.

Türik prezidenti sözinde: «Bizdiñ bwnday sındarğa tap keluimizdiñ sebebi – wlttıq müddemiz twrğısınan bas tartpaytın wstanımdarımızdıñ boluınan», – dedi.

Erdoğannıñ sözinde Tramptıñ sırtqı sayasatına degen kekesin ray da  anıq bayqaldı. Aytalıq: «Prezidentpin dep bärin jasay beruge bolmaydı. Memleket esepteriniñ bäri eldiñ erejelerine say jasaluı kerek.  Keşte jatarda «Erteñ men bolatqa qosımşa keden salığın kirgizemin» dep oylay saluğa bola ma?», – dedi.

Tramp sayasatına qaratqan sözinde Erdoğan: «Birde  strategiyalıq serigim dep, soñında strategiyalıq seriktesiniñ artınan oq atasıñ. Al, Auğanstannan bäri şeginip ketken kezde menimen birge bola qalğıñ keledi. Tağı bir jerde NATO-men odaqpın deysiñ de, keyin odaqtasıñdı tu sırtınan atqıñ keledi. Mine, bwlardı qalay qabıldauğa boladı? Bwğan biz köne almaymız», – dep saldı.

Soñında, bwnday sayasattıñ bäri de öz jauabın alatının eskertken Erdoğan, Türkiya ekonomikası äli de öz twğırında ekenin qaday aytıp ötti.

“The Qazaq Times”