Foto: Äbu Bäkir Äl-Bağdadi

DAIŞ terrorlıq wyımınıñ basşısı Äbu Bäkir äl-Bağdadi auır jaraqat aldı, - dep jazadı«yeniakit.com.tr» agenttigi. Özge de älemdik aqparat közderi qazirgi uaqıtta Äl-Bağdadidiñ auır jaraqatınıñ kesirinen toptı basqarmaytının, onıñ mindetterin tunistik Äbu Osman äl-Tunisi atqarıp jatqanın habarlauda.

Atalğan agenttiktiñ habarlauınşa, äl-Bağdadi mausım ayında Süriyanıñ DAIŞ tarapınan basıp alınğan eldimekenderdiñ birinde iraktıq ÄÄK-men (äskeri äue küşteri) qaqtığıs kezinde jaralanğan. Osı qaqtığıs kezinde jüzge tarta adam zardap şegip, olardıñ köpşiligi qaza tapqan. Olardıñ arasında bolğan äl-Bağdadi alğan jaraqatınıñ kesirinen qazirgi tañda jan saqtau böliminde körinedi. Aqparat qwraldarınıñ jazuınşa, onıñ ornına tunistik Äbu Osman äl-Tunisi tağayındalğan. Bwdan bwrın, «Islam memleketiniñ» (DAIŞ) basşısı Äbu Bäkir äl-Bağdadidiñ wlı Hwdayfa äl-Badri boluı mümkin ekeni aytılğanmen, qazirgi tañda onıñ da Reseydiñ Süriyadağı ÄĞK-niñ (Äskeri-ğarış küşteri) operaciyası kezinde qaza tapqanı turalı derek bar. Tağı bir beyresmi mälimetter boyınşa, onıñ Süriyanıñ Homs qalasına jaqın mañda süriyalıq ükimettik äskeriler tarapınan öltirilgeni aytıladı.

Al, DAIŞ basşısı Äbu Bäkir Äl-Bağdadidiñ naqtı qayda ekeni belgisiz, biraq aldın ala boljam boyınşa, onıñ äli tiri ekeni habarlanuda.

“The Qazaq Times”