Foto: El Pais

Uiltşir grafstvosınıñ policeyi Solsberi men Eymsberi qalalarındağı ulanu oqiğasın zertteuge 10 million funt (12,9 million dollar) jwmsağan, - dep habarlaydı «The Guardian».

Basılımnıñ mälimetinşe, jeti millionnan astam funt özge qızmetterden mamandardı tartuğa ketken. Al 1,3 millionı Uiltşir policiyasınıñ qızmet uaqıtınan tıs jwmıstarına jwmsalğan. Qalğan şığındar öte qaterli zattekti jwqtırıp aluı mümkin policey kölikterin paydalanuğa ketken. Uiltşir grafstvosınıñ qılmıspen küresu policiyasınıñ komissarı Angus Makfersonnıñ sözinşe, osınday eki iri oqiğanı zertteuşi policeyler üşin uaqıt öte az bolğan. «Men 4,1 million funt kölemindegi şığınnıñ ornın toltıru mindetin öz moynına alğanı üşin ükimetke alğısımdı aytamın... Sonımen qatar, osınday auır oqiğamen baylanıstı barlıq şığındar ükimet tarapınan öteledi dep kütemin» , - degen, ol.

Eske salayıq, üstimizdegi jıldıñ naurız ayında  RF-nıñ Barlau qızmetiniñ bwrınğı qızmetkeri Sergey Skripal' men qızı YUliya Skripal' «Noviçok» (Reseyde şığarılğan) jüyke-sal auruın tudıruşı zattegi arqılı ulanğan edi. Londonnıñ habarlauınşa, bwl oqiğanıñ artında Resey twr. Al, keyin 30 mausımda Wlıbritaniyanıñ Eymsberi qalasındağı üyde erli-zayıptı Çarli Rouli men Don Sterdjess te däl osı zattekpen ulanğan edi. Keyin, äyel auruhanada köz jwmdı. Britaniya ükimeti erli-zayıptılar da sol «Noviçokpen» ulanğan dep mälimdegen edi.

“The Qazaq Times”