Foto: Aleksandr Petrov

Reseylik immunobiologiyalıq däriler öndiretin «Mikrogen» öndiris ornınıñ qızmetkeri Aleksandr Petrov Resey Barlau Wyımınıñ bwrınğı qızmetkeri Sergey Skripal' men qızınıñ ulanuına öziniñ qatısı bar degen ayıptauğa jauap berdi. Bwl turalı jauabın ol Reseydiñ «Russia Today» telearnasına berdi dep habarlaydı telearnanıñ Telegram kanalı.

«Men bwl turalı eşteñe bilmeymin jäne Skripal'dardıñ bastarınan ötken närsege qatısım joq. Tipti, men London tügili, Altayğa da bara almaymın», - degen ol «Mikrogenniñ» Tomskdegi filialı «Virion» ğılımi-öndiristik birligindegi bölimşesiniñ bastığı bolıp isteytinin de jasırmağan.

Wlıbritaniya biligi 5-qırküyekte Londonğa jüyke-sal auruın tudıruşı zattekti äkelgen boluı mümkin reseylik azamattar — Ruslan Boşirov pen Aleksandr Petrovtıñ esimin habarlağan edi. Olarğa Sergey Skripal' men qızı YUliya Skripal'dıñ ulanuına qatıstarı bar degen ayıp taqqan bolatın. Türli aqparat közderiniñ mälimetinşe, küdikti ekeudiñ tölqwjat nömirleriniñ tek soñğı sandarında ğana ayırmaşılıq bar. Wlıbritaniyanıñ osı mälimdemesinen keyin-aq Boşirov pen Petrovtı qamauğa alu üşin europalıq order berilgen. Sonımen qatar, olardıñ Gatvik äuejayındağı suretteri men Londondağı beynekamerağa tüsip  qalğan swlbaları jariyalanğan edi.

Bwdan bwrın London biligi BWW-nıñ Qauipsizdik Keñesin osı oqiğağa qatıstı şwğıl jiın ötkizuge şaqırğan edi. Onda, Wlıbritaniya atalğan oqiğağa Reseydiñ qatısı barlığına senimdi ekenderin jasırmay, qılmıstı jasauşı taraptıñ tez arada qwrıqtaluın talap etti. Alayda, Resmi özine tağılğan bwl ayıptaudı üzildi-kesildi joqqa şığaruda.

Bärimizge belgili, üstimizdegi jıldıñ naurız ayında Resey Barlau Wyımınıñ bwrınğı qızmetkeri Sergey Skripal' men qızı YUliya Skripal' Wlıbritaniyanıñ Solsberi qalasında es-tüssiz tabılğan edi. London olardıñ jüyke-sal auruın tudıruşı qaterli zattekpen ulandı dep esepteydi.

“The Qazaq Times”