Älemdegi ülken megapolisterdiñ negizgi äri wtımdı transporttıq jüyesi metro ekendigi belgili. Biraq bwl ürdis bizdiñ elimizge tän emes. Qazaqstandağı alıp şaharlardıñ transporttıq jüyesiniñ negizgi funkciyaların qoğamdıq kölik pen taksi qızmeti atqarıp keledi.

Osı twsta qalalıq jerlerde bügingi küni zañsız taksisterdiñ «altın däureni» jürip twr desek artıq aytpaspız. Sebebi olar resmi tirkelmegendikten salıq tölemeydi. Köpşiligi jürgizuşi kuäligin satıp alğan. Tiisti organdar tarapınan eşqanday tekseru joq. Tekseru jwmıstarı bolğan künniñ özinde köp jağdaylarda bwl tekserulerdiñ barlığı para beru jäne para alumen ayaqtaladı.

Ärine, bwl tirlik tabıs tabudıñ bir közi ekendigi de ras. "Eki qolğa bir kürek tappağan" keybir adamdar osı «käsipten» näpaqa ayırıp, otbasın asırap otır. Qazir ziñgittey jigitterdiñ boy tasalap, quıs-quıstan jolauşı torıp jürgenderi tañsıq närse bolmay qaldı. Endi, mwnday künköris twraqtı jwmıstıñ joqtığınan ekendigi aytpasa da tüsinikti şığar.

Taksi qızmetin zañdastıruğa baylanıstı jürgizuşiler arasında saualnama jürgizgenimizde atalmış mäselege baylanıstı pikirlerdiñ san aluandığın bayqadıq.

Elaman Äbihan Taraz-Almatı tas jolınıñ tasımaldauşısı: «Jeke käsipker retinde tirkelip, patent alu tiimdi emes. Sebebi köliktiñ bwzıluınan jäne zañsız jolauşı tasımaldaytın jürgizuşilerdiñ bäsekelestik tuğızuınan Ükimet belgilegen aylıq eseptik körsetkiş mölşerin uaqıtılı töleu qiınğa soğadı».

Alinwr Rahımqwl qala aralıq taksi jürgizuşisi: «Üyrenip qalğam, özime wnaydı. Osı jwmıstan ketkim joq. Bwl da oñay jwmıs emes, ebin tapsañ boldı. Negizinen  taksi qızmetiniñ körigi tüngi uaqıtta qızadı. Tañ atqanşa köz ilmey jwmıs isteytinder köp. Sonıñ işinde men de barmın».

Jäne de Almatı qalasında arnayı zañdastırılğan  «YAndeks Taksi» qızmetinde jwmıs isteytin Nwrlan Ramazanovtıñ pikirin bilgen edik: «Osı mekemede bir jıldan beri jwmıs isteymin. Biz adam­darğa täulik boyı qızmet kör­setemiz. Ärine, jürgizuşiler auısımmen auısıp otıradı. Almatıda taksi qızmetinde bäsekelestik küşti. Äsirese, ja­bayı (zañdastırılmağan) taksiler aldımızdı oraydı. Sonda da öz klientte­ri­mizdiñ köñilin qaldır­may­mız. Künine kom­paniyağa maşinanı jalğa alğan üşin belgili bir mölşerde aqı töleymiz. Onıñ sırtında janarmay bar, dispetçer qızmeti de aqılı. Qalğan tabısımızben otbasımızdı asıraymız».

Taksi qızmetin zañdastıruğa baylanıstı bastamalar bilik tarapınan osı uaqıtqa deyin birneşe ret aytılğan. Biraq köpşilik jwrt bwl bastamalarğa:«Biliktiñ halıqtan kezekti ret aqşa jinauı. Jeke käsipker bolıp tirkelgen mıñdağan jwmıssız adam erteñ özin özi jwmıspen qamtığandardıñ qatarın köbeytedi. Bwl bastama tek statistika agenttigine ğana tiimdi» - degen pikirler aytqan. Jalpı, däl qazirgi uaqıtta taksi qızmetin zañdastırudan bwrın. «Zañdastırudı qalay jüzege asıruğa boladı?» degen swraqqa jauap izdegen dwrıs şığar. Sebebi qalalıq äkimşilik nemese zañ şığaratın organ ğimarattarınıñ işinde ne bolıp jatqanın bilmesek te, qarapayım ömirde ne bolıp jatqanın barlığımız künde körip, bilip jürmiz. Jemqorlıq pen paraqorlıq perzenthanadan bastalıp, Ükimet üyinde ayaqtalatın elde taksi qızmetin zañdastıru jöninde äñgime qozğau öte külkili äri ayanıştı.

“The Qazaq Times”