AQŞ Qorğanıs ministri jurnalisterdiñ swrağına jauap berdi. Foto: VOA.

Qwrama Ştattıñ jergilikti uaqıtımen 7 tamız tüsten keyin jasağan mälimdemesinde, AQŞ qorğanıs ministri Jeyms Mettis 2016 jılğı prezident saylauında Reseydiñ aralasqanın jäne saylau nätijesine äserin tigizgenin naqtı twraqtandırdı. Bwl turalı VOA habarladı.

Pentagon basşısı Mettis sözinde, Qwrama Ştattıñ äskeri jelilik qolbasşılıq ştabı jäne Wlttıq qauipsizdik agenttikteri ülken mümkindikterge ie ekenin, AQŞ saylauına şeteldik küşterdiñ aralasuın baqılay alatının ayta kelip, Kreml' jaq keminde saylaudıñ keybir kezeñderine aralasqanın rastadı.

2016 jılğı prezident saylauı kezinde milliarder jäne televiziyalıq şoudıñ jwldızı Tramp Qwrama Ştattıñ 45-şi prezidenti bolıp saylanğan bolatın. Keyin ol bwl saylauğa Reseydiñ aralasqanı turalı AQŞ-tıñ barlau agenttikteri jasağan qorıtındını moyındamadı.

Pentagon basşısı mälimetinde, aldağı saylaudıñ qauipsizdigin qorğau üşin jäne  AQŞ Konstituciyasın jäne Konstituciyadağı sayasi proceduralardı joyıludan qorğau üşin Qorğanıs ministrligi İşki qauipsizdik departamenti siyaqtı mekemelerge kömektesetinin ayttı.

Aldağı saylaularğa aralasqan taraptarğa qarsı jelilik şabuıl jasauğa Pentagonnıñ rwqsatı bar, joqtığın swrağanda, Mettis: «Bwnday tapsırmanı orındauğa rwqsat bar. Biraq, AQŞ-tıñ dwşpandarğa qarsı twru şaraların aşıp tastamau üşin, naqtı şaralar turalı sizderge ayta almaymın», – dedi.

“The Qazaq Times”