اقش قورعانىس ءمينيسترى جۋرناليستەردىڭ سۇراعىنا جاۋاپ بەردى. فوتو: VOA.

قۇراما شتاتتىڭ جەرگىلىكتى ۋاقىتىمەن 7 تامىز تۇستەن كەيىن جاساعان مالىمدەمەسىندە، اقش قورعانىس ءمينيسترى جەيمس مەتتيس 2016 جىلعى پرەزيدەنت سايلاۋىندا رەسەيدىڭ ارالاسقانىن جانە سايلاۋ ناتيجەسىنە اسەرىن تيگىزگەنىن ناقتى تۇراقتاندىردى. بۇل تۋرالى VOA حابارلادى.

پەنتاگون باسشىسى مەتتيس سوزىندە، قۇراما شتاتتىڭ اسكەري جەلىلىك قولباسشىلىق شتابى جانە ۇلتتىق قاۋىپسىزدىك اگەنتتىكتەرى ۇلكەن مۇمكىندىكتەرگە يە ەكەنىن، اقش سايلاۋىنا شەتەلدىك كۇشتەردىڭ ارالاسۋىن باقىلاي الاتىنىن ايتا كەلىپ، كرەمل جاق كەمىندە سايلاۋدىڭ كەيبىر كەزەڭدەرىنە ارالاسقانىن راستادى.

2016 جىلعى پرەزيدەنت سايلاۋى كەزىندە ميللياردەر جانە تەلەۆيزيالىق شوۋدىڭ جۇلدىزى ترامپ قۇراما شتاتتىڭ 45-ءشى پرەزيدەنتى بولىپ سايلانعان بولاتىن. كەيىن ول بۇل سايلاۋعا رەسەيدىڭ ارالاسقانى تۋرالى اقش-تىڭ بارلاۋ اگەنتتىكتەرى جاساعان قورىتىندىنى مويىندامادى.

پەنتاگون باسشىسى مالىمەتىندە، الداعى سايلاۋدىڭ قاۋىپسىزدىگىن قورعاۋ ءۇشىن جانە  اقش كونستيتۋتسياسىن جانە كونستيتۋتسياداعى ساياسي پروتسەدۋرالاردى جويىلۋدان قورعاۋ ءۇشىن قورعانىس مينيسترلىگى ىشكى قاۋىپسىزدىك دەپارتامەنتى سياقتى مەكەمەلەرگە كومەكتەسەتىنىن ايتتى.

الداعى سايلاۋلارعا ارالاسقان تاراپتارعا قارسى جەلىلىك شابۋىل جاساۋعا پەنتاگوننىڭ رۇقساتى بار، جوقتىعىن سۇراعاندا، مەتتيس: «بۇنداي تاپسىرمانى ورىنداۋعا رۇقسات بار. بىراق، اقش-تىڭ دۇشپاندارعا قارسى تۇرۋ شارالارىن اشىپ تاستاماۋ ءۇشىن، ناقتى شارالار تۋرالى سىزدەرگە ايتا المايمىن»، – دەدى.

“The Qazaq Times”