Foto: grekomania.ru

Afina ükimeti Mäskeudiñ grekiyalıq diplomattardı elderine qaytaru şeşimine baylanıstı Reseydiñ Grekiyadağı tötenşe jäne ökiletti elşisi Andrey Maslovtı şaqırğan. Bwl turalı worldbulletin.net habarlaydı.

Osıdan bir kün bwrın Resey SİM grekiyalıq diplomattardıñ keri qaytarılatındıqtarı turalı jariyalağan edi. Al, RF-nıñ SİM basşısı  Sergey Lavrov qırküyek ayında Grekiyağa josparlanğan issaparınan bas tartqan. Eske salayıq, 13 şilde küni Grekiya reseylik eki diplomattı qaytarıp, tağı ekeuiniñ kiruine tıyım salğan edi. Grek biligi osı qadamın Reseydiñ öziniñ işki isterine aralasuımen tüsindirgen. Endi keşe, Resey de öz kezeginde, däl osınday şara qoldandı.

Ayta ketu kerek, Afina Reseymen qarım-qatınasınıñ jaqsı bolğanına qaramastan, eldiñ wlttıq qauipsizdigine qauip töndirui mümkin dep Reseydiñ öziniñ işki isine aralasuına şıday almaytının mälimdegen edi. Aqparat qwraldarınıñ habarlauınşa, reseylik diplomattar esim atauı  turalı Makedoniyamen aradağı kelisimşartqa qarsı şığuşı toptı qarjılandırğan.

“The Qazaq Times”