افينا ۇكىمەتى ماسكەۋدىڭ گرەكيالىق ديپلوماتتاردى قايتارۋ تۋرالى شەشىمىنە جاۋاپ بەردى

افينا ۇكىمەتى ماسكەۋدىڭ گرەكيالىق ديپلوماتتاردى ەلدەرىنە قايتارۋ شەشىمىنە بايلانىستى رەسەيدىڭ گرەكياداعى توتەنشە جانە وكىلەتتى ەلشىسى اندرەي ماسلوۆتى شاقىرعان. بۇل تۋرالى worldbulletin.net حابارلايدى.

وسىدان ءبىر كۇن بۇرىن رەسەي ءسىم گرەكيالىق ديپلوماتتاردىڭ كەرى قايتارىلاتىندىقتارى تۋرالى جاريالاعان ەدى. ال، رف-نىڭ ءسىم باسشىسى  سەرگەي لاۆروۆ قىركۇيەك ايىندا گرەكياعا جوسپارلانعان ءىسساپارىنان باس تارتقان. ەسكە سالايىق، 13 شىلدە كۇنى گرەكيا رەسەيلىك ەكى ديپلوماتتى قايتارىپ، تاعى ەكەۋىنىڭ كىرۋىنە تىيىم سالعان ەدى. گرەك بيلىگى وسى قادامىن رەسەيدىڭ ءوزىنىڭ ىشكى ىستەرىنە ارالاسۋىمەن تۇسىندىرگەن. ەندى كەشە، رەسەي دە ءوز كەزەگىندە، ءدال وسىنداي شارا قولداندى.

ايتا كەتۋ كەرەك، افينا رەسەيمەن قارىم-قاتىناسىنىڭ جاقسى بولعانىنا قاراماستان، ەلدىڭ ۇلتتىق قاۋىپسىزدىگىنە قاۋىپ ءتوندىرۋى مۇمكىن دەپ رەسەيدىڭ ءوزىنىڭ ىشكى ىسىنە ارالاسۋىنا شىداي المايتىنىن مالىمدەگەن ەدى. اقپارات قۇرالدارىنىڭ حابارلاۋىنشا، رەسەيلىك ديپلوماتتار ەسىم اتاۋى  تۋرالى ماكەدونيامەن اراداعى كەلىسىمشارتقا قارسى شىعۋشى توپتى قارجىلاندىرعان.

“The Qazaq Times”