Foto: Daily Mail

Braziliya aqparat qwraldarı, Esprito Santo (Espirito Santo) ölkesiniñ ortalığı Vitoriyanı qamtığan birneşe qalada policiya qızmetkerleriniñ jwmıs tastauınan, jappay tärtipsizdik tuılıp, äzirge deyin 75 adamnıñ qaza bolğanın habarladı. Braziliya ükimeti qoğam tärtibin qalpına keltiru üşin, mıñnan asa policiya jäne 200 qarulı jasaqtı iske qosqan.

Foto; Daily Mail

Braziliya älemdik sayttarınıñ habarına qarağanda, 4 aqpannan bastap policiya qızmetkerleri özderine beriletin jalaqınıñ azdığına narazı bolıp, jwmıs tastağan. Sonıñ saldarınan jappay tärtipsizdik ornap, 7 aqpanğa deyin 75 adam qaza bolğan. Köptegen policeylerdiñ otbası müşeleri policiya bölimşeleriniñ qaqpasına tosqauıl qoyıp, küşti narazılıq tanıtqan. Vitoriyanıñ jer-jerinde bir uaqıtta osınday oqiğalar tuılğan. Braziliyadağı qılmıstıq toptar bwl situaciyanı paydalanıp, köşelerde wrıs-töbeles tudırğan. Qaza bolğandardıñ bäri derlik pışaqtau, wrıp-soğu, tonau, zorlau qılmıstarınıñ qwrbanı.

Foto:WSO.com

Üş künnen beri, Vitoriyadağı 200-den astam sauda dükeni talqandalğan. Köptegen emhana, mektep, sauda sarayları jabıldı. Qalada äleumettik kölikter toqtatıldı. Az bolmağan jeke avtokölik jäne äleumettik kölikter tärtip bwzuşılar jağınan örtelgen.

Braziliya ükimeti qoğam tınıştığın qalpına keltiru üşin äskeri küşterdi iske qossa da, jağday äli oñalmay otırğanın aytadı braziliyalıq BAQ. Eldegi är eldiñ elşilikteri öz eliniñ azamattarına qauipsizdik üşin atalğan qalalardan şığıp ketuin habarlaptı.

Foto: Reddit

Foto: dailystar.co.uk

“The Qazaq Times”