فوتو: Daily Mail

برازيليا اقپارات قۇرالدارى، ەسپريتو سانتو (Espirito Santo) ولكەسىنىڭ ورتالىعى ۆيتوريانى قامتىعان بىرنەشە قالادا پوليتسيا قىزمەتكەرلەرىنىڭ جۇمىس تاستاۋىنان، جاپپاي تارتىپسىزدىك تۋىلىپ، ازىرگە دەيىن 75 ادامنىڭ قازا بولعانىن حابارلادى. برازيليا ۇكىمەتى قوعام ءتارتىبىن قالپىنا كەلتىرۋ ءۇشىن، مىڭنان اسا پوليتسيا جانە 200 قارۋلى جاساقتى ىسكە قوسقان.

فوتو; Daily Mail

برازيليا الەمدىك سايتتارىنىڭ حابارىنا قاراعاندا، 4 اقپاننان باستاپ پوليتسيا قىزمەتكەرلەرى وزدەرىنە بەرىلەتىن جالاقىنىڭ ازدىعىنا نارازى بولىپ، جۇمىس تاستاعان. سونىڭ سالدارىنان جاپپاي تارتىپسىزدىك ورناپ، 7 اقپانعا دەيىن 75 ادام قازا بولعان. كوپتەگەن پوليتسەيلەردىڭ وتباسى مۇشەلەرى پوليتسيا بولىمشەلەرىنىڭ قاقپاسىنا توسقاۋىل قويىپ، كۇشتى نارازىلىق تانىتقان. ۆيتوريانىڭ جەر-جەرىندە ءبىر ۋاقىتتا وسىنداي وقيعالار تۋىلعان. برازيلياداعى قىلمىستىق توپتار بۇل سيتۋاتسيانى پايدالانىپ، كوشەلەردە ۇرىس-توبەلەس تۋدىرعان. قازا بولعانداردىڭ ءبارى دەرلىك پىشاقتاۋ، ۇرىپ-سوعۋ، توناۋ، زورلاۋ قىلمىستارىنىڭ قۇربانى.

فوتو:WSO.com

ءۇش كۇننەن بەرى، ۆيتورياداعى 200-دەن استام ساۋدا دۇكەنى تالقاندالعان. كوپتەگەن ەمحانا، مەكتەپ، ساۋدا سارايلارى جابىلدى. قالادا الەۋمەتتىك كولىكتەر توقتاتىلدى. از بولماعان جەكە اۆتوكولىك جانە الەۋمەتتىك كولىكتەر ءتارتىپ بۇزۋشىلار جاعىنان ورتەلگەن.

برازيليا ۇكىمەتى قوعام تىنىشتىعىن قالپىنا كەلتىرۋ ءۇشىن اسكەري كۇشتەردى ىسكە قوسسا دا، جاعداي ءالى وڭالماي وتىرعانىن ايتادى برازيليالىق باق. ەلدەگى ءار ەلدىڭ ەلشىلىكتەرى ءوز ەلىنىڭ ازاماتتارىنا قاۋىپسىزدىك ءۇشىن اتالعان قالالاردان شىعىپ كەتۋىن حابارلاپتى.

فوتو: Reddit

فوتو: dailystar.co.uk

“The Qazaq Times”