Foto: sports.kz

Şveciyanıñ Buros qalasında ötip jatqan Golden Girl  turnirinde Qazaqstannıñ boksşı qızdarı 3 altın, 2 kümis jäne 6 qola medal' jeñip aldı. Bwl turalı  sports.kz habarlaydı.

Qazaqstan Boks federaciyasınıñ habarlauınşa, Golden Girl   turniriniñ alğaşqı altının 80 kelige deyingi salmaq sanatında jarıs jolına şıqqan 15 jastağı Elena Tälipova qanjığağa saldı.  Talanttı jas boksşı aqtıq ayqasta irlandiyalıq Loren Rayannan basım tüsti. Ayta keterligi, qazaq boksşısı birinşi raundtıñ 90-şı minutında-aq töreşiler şeşimimen jeñiske jetken bolatın. Jasöspirimder arasında älem çempionı Nadejda Ryabec (69 keli) te birneşe auır kezdesu ötkizip, soñğı jekpe-jekte kanadalıq Çarli Kavanodan basım tüsti. Üşinşi altındı Almatı oblısınıñ tuması 16 jastağı Güzaliya Sadıqova jeñip aldı.  Eskere keterligi, 75 kelige salmaq sanatında finalğa şıqqan boksşımızdıñ qarsılası tağı bir otandasımız Saltanat Estaeva bolğan edi. Ryabec pen Sadıqova 2018 jıldıñ qırküyeginde Buenos-Ayreste ötetin jasöspirimder arasındağı Olimpiada oyındarına qatısuğa ümitker sanaladı. Şveciyanıñ Buros qalasında ötip jatqan   Golden Girl   turnirine älemniñ 22 elinen 254 sportşı qatıstı.

«The Qazaq Times»