شۆەتسيانىڭ بۋروس قالاسىندا ءوتىپ جاتقان Golden Girl تۋرنيرىندە قازاقستاننىڭ بوكسشى قىزدارى 3 التىن، 2 كۇمىس جانە 6 قولا مەدال جەڭىپ الدى. بۇل تۋرالى sports.kz حابارلايدى.
قازاقستان بوكس فەدەراتسياسىنىڭ حابارلاۋىنشا، Golden Girl تۋرنيرىنىڭ العاشقى التىنىن 80 كەلىگە دەيىنگى سالماق ساناتىندا جارىس جولىنا شىققان 15 جاستاعى ەلەنا ءتالىپوۆا قانجىعاعا سالدى. تالانتتى جاس بوكسشى اقتىق ايقاستا يرلانديالىق لورەن راياننان باسىم ءتۇستى. ايتا كەتەرلىگى، قازاق بوكسشىسى ءبىرىنشى راۋندتىڭ 90-شى مينۋتىندا-اق تورەشىلەر شەشىمىمەن جەڭىسكە جەتكەن بولاتىن. جاسوسپىرىمدەر اراسىندا الەم چەمپيونى نادەجدا ريابەتس (69 كەلى) تە بىرنەشە اۋىر كەزدەسۋ وتكىزىپ، سوڭعى جەكپە-جەكتە كانادالىق چارلي كاۆانودان باسىم ءتۇستى. ءۇشىنشى التىندى الماتى وبلىسىنىڭ تۋماسى 16 جاستاعى گۇزاليا سادىقوۆا جەڭىپ الدى. ەسكەرە كەتەرلىگى، 75 كەلىگە سالماق ساناتىندا فينالعا شىققان بوكسشىمىزدىڭ قارسىلاسى تاعى ءبىر وتانداسىمىز سالتانات ەستاەۆا بولعان ەدى. ريابەتس پەن سادىقوۆا 2018 جىلدىڭ قىركۇيەگىندە بۋەنوس-ايرەستە وتەتىن جاسوسپىرىمدەر اراسىنداعى وليمپيادا ويىندارىنا قاتىسۋعا ۇمىتكەر سانالادى. شۆەتسيانىڭ بۋروس قالاسىندا ءوتىپ جاتقان Golden Girl تۋرنيرىنە الەمنىڭ 22 ەلىنەن 254 سپورتشى قاتىستى.
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى