Iran da halıqtıq ereuilder küşeye tüsti. Foto: Sputnik International.

AQŞ-tıñ memlekettik hatşısı Mayk Pompeo Iran turalı qaytalay mälimdeme jasadı. Ol bwl ret Irandı qalıptı elder sekildi qadamdar jasauı kerek ekenin eskertti. Sonımen birge Qwrama Ştattıñ Tehran (Tegeran) biligine qarsı ekonomikalıq sankciyağa dayındalıp bolğanın habarladı. Bwl turalı VOA basılımı habarladı.

Pompeo jeksenbi küni tüsten keyin BAQ ökilderine taratqan mälimetinde: «Men Iran halqınıñ wlttıq köşbasşılıqqa kimderdiñ ielik etui mäselesinde aşıq dauıstarın ortağa saladı dep ümittenemin», – dedi.

Pompeonıñ mälimdeuinşe, seysenbi küni 12:01-den bastap, Irannıñ önerkäsibine qaratılğan sankciya küşine enedi. Tipti mwnıñ işine Irannıñ älemge tanımal kilem öndirisi de qamtılğanı mälim boldı. Europa men Amerikanıñ wşaqtarın jäne bölşekterin satıp ala almaydı.

Al Irannıñ energetika eksportına bağıttalatın sankciya qaraşa ayına qaray küşine enbek.

Pompeonıñ mälimdemesinde: «Biz aldağı uaqıtta basqa joldardı tañdauımızğa boladı, biraq, tek Irannıñ rejimi öz sayasatın özgertkende ğana», – delingen.

AQŞ sankciyasınıñ bastaluı eki el arasındağı şekispey bekispeytin teke-tirestiñ şındap bastalğanın tüsindiredi. Eki el arasındağı qayşılıq «Ekinşi Şığanaq soğısın» tudıruı mümkin degen boljamdar bar.

“The Qazaq Times”