Foto: stanradar.com

Iran Islam respublikasınıñ Küzet Korpusınıñ komandiri Mohammad Äli Djafari AQŞ prezidenti Donal'd Tramptıñ Iran basşısımen kezdesu turalı wsınısına jauap berip, Irannıñ bwl wsınıstı müldem qabıldamaytının ayttı. 

«Fars News» agenttiginiñ habarlauınşa, irandıq general-mayor AQŞ prezidentine jasağan mälimdemesinde Islam Respublikasınıñ Soltüstik Koreya emes ekenin tiisinşe atap ötken.

«Tramp mırza! Iran — sizdiñ kezdesu turalı wsınısızdı qabılday beretin Soltüstik Koreya emes...  Tipti AQŞ-tıñ kelesi prezidenti de bwnday kezdesuge qol jetkize almaydı», - degen.

Eske salayıq, bir-eki kün bwrın ğana AQŞ prezidenti Donal'd Tramp Iran prezidenti Hasan Ruhanimen kezdesuge dayın ekenin mälimdegen edi. Al, Iran prezidenti äkimşiligi basşısınıñ orınbasarı Hamid Äbutalebi irandıq biliktiñ AQŞ Irannıñ yadrolıq kelisimşartına qayta qosılğan jağdayda ğana ekijaqtı kelissözderdi jañğırtuğa dayın ekenin habarlağan bolatın.

“The Qazaq Times”