Foto: eadaily.com

«Aeromexico» äuekompaniyasına tiesili jolauşılar wşağı Meksikanıñ Viktoriya-de-Durango qalasınan wşıp şıqqan sätte apatqa wşırağan. Äzirge apat saldarınan qaza tapqandar turalı mälimet joq, - dep habarlaydı Bi-Bi-Si agenttiginiñ orıs redakciyası Durango ştatı gubernatorınıñ sözine silteme jasap.

Jergilikti BAQ-tıñ habarlauınşa, jolauşılardıñ basım köpşiligi wşaq bortınan özdikterinen şığa alatınday jağdayda bolğan. Meksika Densaulıq saqtau ministrliginiñ aldın ala mälimetinşe, 85 adam jaraqat alıp, jaqın mañdağı auruhanağa jetkizilgen. Bortında 97 jolauşı jäne 4 ekipaj müşesi bar «Embraer E90» wşağı «Heneral' Gvadalupe Viktoriya» äuejayınan el astanasına «AM2431» reysin orındau kezinde, wşıp-qonu jolağınan köterilgen sätte qwlağan. Oqiğa orınan berilgen suretterge qarağanda, äue kemesiniñ örtengeni bayqaladı.

“The Qazaq Times”