Фото: eadaily.com

«Aeromexico» әуекомпаниясына тиесілі жолаушылар ұшағы Мексиканың Виктория-де-Дуранго қаласынан ұшып шыққан сәтте апатқа ұшыраған. Әзірге апат салдарынан қаза тапқандар туралы мәлімет жоқ, - деп хабарлайды Би-Би-Си агенттігінің орыс редакциясы Дуранго штаты губернаторының сөзіне сілтеме жасап.

Жергілікті БАҚ-тың хабарлауынша, жолаушылардың басым көпшілігі ұшақ бортынан өздіктерінен шыға алатындай жағдайда болған. Мексика Денсаулық сақтау министрлігінің алдын ала мәліметінше, 85 адам жарақат алып, жақын маңдағы ауруханаға жеткізілген. Бортында 97 жолаушы және 4 экипаж мүшесі бар «Embraer E90» ұшағы «Хенераль Гвадалупе Виктория» әуежайынан ел астанасына «AM2431» рейсін орындау кезінде, ұшып-қону жолағынан көтерілген сәтте құлаған. Оқиға орынан берілген суреттерге қарағанда, әуе кемесінің өртенгені байқалады.

“The Qazaq Times”