Foto: france24.com/fr

Grekiya biliginiñ mälimetinşe, Afina qalasınıñ mañındağı qattı örttiñ saldarınan 50 adam qaza tapqan. Qaza tapqandardan bölek, tağı 140 adam häl üstinde.

Grekiya ministrler kabinetiniñ resmi ökiliniñ sözinşe, ört şalğan adamdardıñ köpşiliginiñ jağdayı tım auır. Grekiya prem'er-ministri Aleksis Cipras orman örtindegi jağdaydı baqılau mümkin bolmay twrğanın mälimdedi. Qazirgi tañda ört Afinanıñ üş tarapınan qaulauda. Kinet kurorttıq qalasınıñ jağalauında, sonımen qatar, Rafin, Pikermi, Mati, Neos Vutzas jäne Pendeli tauı töñireginde ört qattı bolıp twr. Grekiya biligi osı aymaqtarda tötenşe jağday jariyaladı. Ciprostıñ aytuınşa, ört söndiruge 300 ört söndiru köligi men 600-den astam adam jwmıldırıluda. Qattı jeldiñ saldarınan qalıñ örtti söndiru mümkin bolmauda. Osığan baylanıstı Grekiya Euroodaqtan kömek swrauğa mäjbür qaldı.

“The Qazaq Times”