گرەكياداعى ءتىلسىز جاۋ 50 ادامنىڭ ءومىرىن جالمادى

گرەكيا بيلىگىنىڭ مالىمەتىنشە، افينا قالاسىنىڭ ماڭىنداعى قاتتى ءورتتىڭ سالدارىنان 50 ادام قازا تاپقان. قازا تاپقانداردان بولەك، تاعى 140 ادام ءحال ۇستىندە.

گرەكيا مينيسترلەر كابينەتىنىڭ رەسمي وكىلىنىڭ سوزىنشە، ءورت شالعان ادامداردىڭ كوپشىلىگىنىڭ جاعدايى تىم اۋىر. گرەكيا پرەمەر-ءمينيسترى الەكسيس تسيپراس ورمان ورتىندەگى جاعدايدى باقىلاۋ مۇمكىن بولماي تۇرعانىن مالىمدەدى. قازىرگى تاڭدا ءورت افينانىڭ ءۇش تاراپىنان قاۋلاۋدا. كينەت كۋرورتتىق قالاسىنىڭ جاعالاۋىندا، سونىمەن قاتار، رافين، پيكەرمي، ماتي، نەوس ۆۋتزاس جانە پەندەلي تاۋى توڭىرەگىندە ءورت قاتتى بولىپ تۇر. گرەكيا بيلىگى وسى ايماقتاردا توتەنشە جاعداي جاريالادى. تسيپروستىڭ ايتۋىنشا، ءورت سوندىرۋگە 300 ءورت ءسوندىرۋ كولىگى مەن 600-دەن استام ادام جۇمىلدىرىلۋدا. قاتتى جەلدىڭ سالدارىنان قالىڭ ءورتتى ءسوندىرۋ مۇمكىن بولماۋدا. وسىعان بايلانىستى گرەكيا ەۋرووداقتان كومەك سۇراۋعا ءماجبۇر قالدى.

“The Qazaq Times”