Foto: eadaily.com

Bwğan deyin hüsitterdiñ Joğarı sayasi keñesiniñ basşısı Mahdi äl-Maşat Franciya prezidenti Emmanuel' Makronnan  Yemendegi azamattıq soğıstı toqtatuğa kömektesuin swrağan edi. Endi, 2014 jıldan beri Yemen territoriyasında jalğasıp jatqan azamattıq soğıstı toqtatu turalı Reseyden de kömek swrauda. Bwl turalı  «20minutes.fr» habarlaydı.

Hüsitterdiñ Joğarı sayasi keñesiniñ basşısı Mahdi äl-Maşat Reseyden öziniñ halıqaralıq ıqpalın paydalana otırıp, äskeri äreketterdi toqtatıp, Yemennen äue jäne teñiz qorşauların alıp tastauğa ötiniş joldağan. Joldauda Yemenge qarsı qısımnıñ küşeyuinen bölek, Saud Arabiyası tarapınan Yemenniñ soltüstiginde küşeygen äskeri äreketter de aytılğan. Şiiittik köterilisşilerdiñ basşısı Yemenniñ «beybitşilikke qol jetkizuge jäne Yemendegi soğıstı toqtatuğa bağıttalğan  kez kelgen qadamğa qoldau körsetetinin» ayttı.

Bärimizge belgili, Yemendegi azamattıq soğıs 2014 jıldan beri jalğasuda. Oğan «Añsar Alla» dep atalatın şiittik qozğalıstıñ köterilisşi-hüsitteri men prezident Äbd Rabbu Manswr Hadige jaqtas ükimettik äskeriler qatısuda. 2015 jılı qaqtığısqa bilikke jaqtas äri Saud-Arabiyasınıñ qoldauına ie sünnittik memleket odağı aralastı.

“The Qazaq Times”