بۇعان دەيىن حۇسيتتەردىڭ جوعارى ساياسي كەڭەسىنىڭ باسشىسى ماحدي ءال-ماشات فرانتسيا پرەزيدەنتى ەممانۋەل ماكروننان يەمەندەگى ازاماتتىق سوعىستى توقتاتۋعا كومەكتەسۋىن سۇراعان ەدى. ەندى، 2014 جىلدان بەرى يەمەن تەرريتورياسىندا جالعاسىپ جاتقان ازاماتتىق سوعىستى توقتاتۋ تۋرالى رەسەيدەن دە كومەك سۇراۋدا. بۇل تۋرالى «20minutes.fr» حابارلايدى.
حۇسيتتەردىڭ جوعارى ساياسي كەڭەسىنىڭ باسشىسى ماحدي ءال-ماشات رەسەيدەن ءوزىنىڭ حالىقارالىق ىقپالىن پايدالانا وتىرىپ، اسكەري ارەكەتتەردى توقتاتىپ، يەمەننەن اۋە جانە تەڭىز قورشاۋلارىن الىپ تاستاۋعا ءوتىنىش جولداعان. جولداۋدا يەمەنگە قارسى قىسىمنىڭ كۇشەيۋىنەن بولەك، ساۋد ارابياسى تاراپىنان يەمەننىڭ سولتۇستىگىندە كۇشەيگەن اسكەري ارەكەتتەر دە ايتىلعان. شيىتتىك كوتەرىلىسشىلەردىڭ باسشىسى يەمەننىڭ «بەيبىتشىلىككە قول جەتكىزۋگە جانە يەمەندەگى سوعىستى توقتاتۋعا باعىتتالعان كەز كەلگەن قادامعا قولداۋ كورسەتەتىنىن» ايتتى.
بارىمىزگە بەلگىلى، يەمەندەگى ازاماتتىق سوعىس 2014 جىلدان بەرى جالعاسۋدا. وعان «اڭسار اللا» دەپ اتالاتىن شيتتىك قوزعالىستىڭ كوتەرىلىسشى-حۇسيتتەرى مەن پرەزيدەنت ءابد راببۋ مانسۇر حاديگە جاقتاس ۇكىمەتتىك اسكەريلەر قاتىسۋدا. 2015 جىلى قاقتىعىسقا بيلىككە جاقتاس ءارى ساۋد-ارابياسىنىڭ قولداۋىنا يە سۇننيتتىك مەملەكەت وداعى ارالاستى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟