Foto: Mariya Butina

Uaşingtonda (Vaşington) Resey Federaciyasınıñ azamatşası Mariya Butina Kreml'diñ joğarı şendi twlğasınıñ nwsqauımen AQŞ sayasatına ıqpal etuge tırısuda degen ayıppen twtqındaldı. Bwl turalı AQŞ-tıñ Ädilet ministrligi habarladı, - dep jazadı franciyalıq «lemonde.fr» saytı.

AQŞ Ädilet ministrligi 2015 jıldan bastap 2017 jıldıñ aqpan ayına deyin Butina Resey ükimetiniñ joğarı şendi şeneunigi — RF Gosdumasınıñ bwrınğı deputatına jwmıs istegen dep habarladı. Sottıq qwjattarda Resey Federaciyasınıñ müddesine say jwmıs istegen reseylik azamatşa amerikalıqtarmen jaqın qarım-qatınasta bola otırıp, RF-nıñ sayasi müddesin damıtu üşin AQŞ sayasatında ıqpaldı röli bar wyımdarmen tığız aralasqan. Mälimdemede onıñ Resey ükimetiniñ tıñşısı retinde resmi türde tirkeusiz jwmıs istegeni jazılğan. Osı qılmısı üşin Butina 5 jılğa deyin bas bostandığınan ayırıluı mümkin. Ol 2018 jıldıñ 15 şildesinde Uaşintonda twtqındalğan.

“The Qazaq Times”