AQŞ Europa odağı ökilderiniñ europalıq kompaniyalardı Iranğa qarsı salınğan sankciyadan bosatudı swrağan talaptarın keri qaytardı. Bwl turalı Bi-Bi-Si agenttigi habarlaydı.

AQŞ-tıñ memlekettik hatşısı Mayk Pampeo europalıq elderge joldağan hatında "Birikken Ştattar EO elderiniñ ötinişin Iranğa maksimal'dı türde qısım jasağısı kelgendikten keri qaytardı", -  dep mälimdegen. Ol eger, Europa elderi AQŞ-tıñ wlttıq qauipsizdigine payda äkeletindey qadam jasasa ğana, talaptarı orındaladı dedi. Sonımen qatar, AQŞ Qarjı ministri Stiven Mnuçin de qol qoyğan hatta «Biz Iran rejimine qarsı bwrın-soñdı bolmağan qarjılıq qısım jasaudı qolğa alamız» , - delingen.

Bärimizge belgili, osı jıldıñ mamır ayında AQŞ prezidenti Donal'd Tramp Iranğa qarsı sankciya engizip, 2015 jılı qol qoyılğan Irannıñ yadrolıq bağdarlamasınan şığatının mälimdegen edi. Eske salayıq, AQŞ, Franciya, Germaniya, Wlıbritaniya, Resey jäne Qıtay elderimen jasalğan kelisim boyınşa, Iran öziniñ urandı bayıtu qorın şektedi.

“The Qazaq Times”