اقش ەۋرووداق كومپانيالارىن سانكتسيادان بوساتۋدان باس تارتتى

اقش ەۋروپا وداعى وكىلدەرىنىڭ ەۋروپالىق كومپانيالاردى يرانعا قارسى سالىنعان سانكتسيادان بوساتۋدى سۇراعان تالاپتارىن كەرى قايتاردى. بۇل تۋرالى بي-بي-سي اگەنتتىگى حابارلايدى.

اقش-تىڭ مەملەكەتتىك حاتشىسى مايك پامپەو ەۋروپالىق ەلدەرگە جولداعان حاتىندا "بىرىككەن شتاتتار ەو ەلدەرىنىڭ ءوتىنىشىن يرانعا ماكسيمالدى تۇردە قىسىم جاساعىسى كەلگەندىكتەن كەرى قايتاردى", -  دەپ مالىمدەگەن. ول ەگەر، ەۋروپا ەلدەرى اقش-تىڭ ۇلتتىق قاۋىپسىزدىگىنە پايدا اكەلەتىندەي قادام جاساسا عانا، تالاپتارى ورىندالادى دەدى. سونىمەن قاتار، اقش قارجى ءمينيسترى ستيۆەن منۋچين دە قول قويعان حاتتا «ءبىز يران رەجيمىنە قارسى بۇرىن-سوڭدى بولماعان قارجىلىق قىسىم جاساۋدى قولعا الامىز» ، - دەلىنگەن.

بارىمىزگە بەلگىلى، وسى جىلدىڭ مامىر ايىندا اقش پرەزيدەنتى دونالد ترامپ يرانعا قارسى سانكتسيا ەنگىزىپ، 2015 جىلى قول قويىلعان يراننىڭ يادرولىق باعدارلاماسىنان شىعاتىنىن مالىمدەگەن ەدى. ەسكە سالايىق، اقش، فرانتسيا، گەرمانيا، ۇلىبريتانيا، رەسەي جانە قىتاي ەلدەرىمەن جاسالعان كەلىسىم بويىنشا، يران ءوزىنىڭ ۋراندى بايىتۋ قورىن شەكتەدى.

“The Qazaq Times”