Foto: eadaily.com

Bügin, 11 şildede aqparat qwraldarınıñ qatısuımen bastalğan sammitte NATO-nıñ bas hatşısı Yenson Stoltenberg pen AQŞ prezidenti Donal'd Tramptıñ arasında qatañ pikirtalas orın aldı. Bwl turalı «eurointegration.com» (Europalıq qwqıq) saytı habarlaydı.

Özge de aqparat közderiniñ habarına qarağanda, ädettegidey, jurnalisterge olardıñ ekijaqtı äñgimelerin beynetaspağa tüsirip, jazuğa rwqsat etilgen. Stoltenberg äñgimeni NATO-ğa müşe elderdiñ bäriniñ qorğanıs şığındarınıñ artıp jatqanın, 29 müşe eldiñ tek 8-iniñ  ğana qorğanıstıñ JİÖ-niñ 2%-ı turalı talaptı orındaytınınan bastağan. Alayda, Tramp AQŞ-tıñ europalıq elder Resey Federaciyasımen saudada tabıs tauıp jatqanda, Europanı Reseyden qorğağanın, sonımen qatar Resey memleketine demeuşilik jasaytınına basa nazar audartıp, bärin teriske şığardı. «Germaniya AQŞ-tıñ naqtı salımı 4,2 % bolsa da, 1 %-dan säl ğana asatın şığındarımen qoldau körsetude (NATO – red.). Alayda, Germaniya Reseydiñ gazı üşin milliard euro töleydi... AQŞ Germaniyanı qorğaydı, biz Franciyanı qorğaymız, tipti bärin qorğaymız (Europada — red.). Bwğan töze almaymız. Bwl öte aqılğa qonımsız. Olar Reseyge millardtap aqşa töleydi. Al biz olardı qorğauımız kerek!», - dep qaytalağan öz sözinde Tramp birneşe märte.

Bwdan bwrın prezident Tramp Europa elderiniñ, sonıñ işinde Germaniyanıñ qorğanıs qajettilikteriniñ şığındarınıñ azdığı üşin öziniñ narazılığın qayta-qayta bildirgen edi. BAQ mälimetterine säykes, Germaniya NATO şeñberindegi äskeri qorğanıs şığındarın arttırudan bas tartqannan keyin, Pentagon öziniñ äskerin sol jaqtan tolıqtay nemese jartılay şığaru mümkindikterin qarastırğan edi. Alayda, AQŞ-tıñ NATO-dağı elşisi Key Beyli Hatçison Pentagonnıñ Germaniyadan amerikalıq äskerdi şığaru nieti turalı aqparattı joqqa şığardı.