ترامپ ناتو ەلدەرى مەن باس حاتشىسىن قاتاڭ سىنعا الدى: «وزدەرى رەسەيگە ميللاردتار تولەيدى، ال ءبىز ولارعا كومەكتەسۋىمىز كەرەك!»

بۇگىن، 11 شىلدەدە اقپارات قۇرالدارىنىڭ قاتىسۋىمەن باستالعان سامميتتە ناتو-نىڭ باس حاتشىسى يەنسون ستولتەنبەرگ پەن اقش پرەزيدەنتى دونالد ترامپتىڭ اراسىندا قاتاڭ پىكىرتالاس ورىن الدى. بۇل تۋرالى «eurointegration.com» (ەۋروپالىق قۇقىق) سايتى حابارلايدى.

وزگە دە اقپارات كوزدەرىنىڭ حابارىنا قاراعاندا، ادەتتەگىدەي، جۋرناليستەرگە ولاردىڭ ەكىجاقتى اڭگىمەلەرىن بەينەتاسپاعا ءتۇسىرىپ، جازۋعا رۇقسات ەتىلگەن. ستولتەنبەرگ اڭگىمەنى ناتو-عا مۇشە ەلدەردىڭ ءبارىنىڭ قورعانىس شىعىندارىنىڭ ارتىپ جاتقانىن، 29 مۇشە ەلدىڭ تەك 8-ءىنىڭ  عانا قورعانىستىڭ ءجىو-ءنىڭ 2%-ى تۋرالى تالاپتى ورىندايتىنىنان باستاعان. الايدا، ترامپ اقش-تىڭ ەۋروپالىق ەلدەر رەسەي فەدەراتسياسىمەن ساۋدادا تابىس تاۋىپ جاتقاندا، ەۋروپانى رەسەيدەن قورعاعانىن، سونىمەن قاتار رەسەي مەملەكەتىنە دەمەۋشىلىك جاسايتىنىنا باسا نازار اۋدارتىپ، ءبارىن تەرىسكە شىعاردى. «گەرمانيا اقش-تىڭ ناقتى سالىمى 4,2 % بولسا دا، 1 %-دان ءسال عانا اساتىن شىعىندارىمەن قولداۋ كورسەتۋدە (ناتو – رەد.). الايدا، گەرمانيا رەسەيدىڭ گازى ءۇشىن ميلليارد ەۋرو تولەيدى... اقش گەرمانيانى قورعايدى، ءبىز فرانتسيانى قورعايمىز، ءتىپتى ءبارىن قورعايمىز (ەۋروپادا — رەد.). بۇعان توزە المايمىز. بۇل وتە اقىلعا قونىمسىز. ولار رەسەيگە ميللاردتاپ اقشا تولەيدى. ال ءبىز ولاردى قورعاۋىمىز كەرەك!»، - دەپ قايتالاعان ءوز سوزىندە ترامپ بىرنەشە مارتە.

بۇدان بۇرىن پرەزيدەنت ترامپ ەۋروپا ەلدەرىنىڭ، سونىڭ ىشىندە گەرمانيانىڭ قورعانىس قاجەتتىلىكتەرىنىڭ شىعىندارىنىڭ ازدىعى ءۇشىن ءوزىنىڭ نارازىلىعىن قايتا-قايتا بىلدىرگەن ەدى. باق مالىمەتتەرىنە سايكەس، گەرمانيا ناتو شەڭبەرىندەگى اسكەري قورعانىس شىعىندارىن ارتتىرۋدان باس تارتقاننان كەيىن، پەنتاگون ءوزىنىڭ اسكەرىن سول جاقتان تولىقتاي نەمەسە جارتىلاي شىعارۋ مۇمكىندىكتەرىن قاراستىرعان ەدى. الايدا، اقش-تىڭ ناتو-داعى ەلشىسى كەي بەيلي حاتچيسون پەنتاگوننىڭ گەرمانيادان امەريكالىق اسكەردى شىعارۋ نيەتى تۋرالى اقپاراتتى جوققا شىعاردى.