Foto: inform.kz

Kembridjde (Wlıbritaniya) «Ruhani jañğıru» bağdarlamasın iske asıru jönindegi Wlttıq komissiya men Kembridj universiteti baspahanası arasında ıntımaqtastıq jöninde memorundamğa qol qoyıldı. Kelisim boyınşa wlıbritaniyalıq baspahana qazirgi zamanğı qazaq ädebietiniñ ağılşın tilindegi antologiyasın audaru, basıp şığaru men taratu jwmısın qolğa alatın boldı, dep habarlaydı QazAqparat tilşisi.

Belgili bolğanday, qazirgi zamanğı qazaq ädebieti ülgisiniñ jinağın BWW-nıñ altı tiline audaru jwmısı «Jahandıq älemdegi qazirgi qazaqstandıq mädeniet» jobası ayasında jüzege asırıluda. Joba Qazaqstan Prezidenti Nwrswltan Nazarbaevtıñ «Ruhani jañğıru» bağdarlamasınıñ mañızdı bir böligi bolıp tabıladı. «Jahandıq älemdegi qazirgi qazaqstandıq mädeniet» jobasınıñ maqsatı - Qazaqstan täuelsizdik alğannan bergi bizdiñ ädebiettiñ, muzıka jäne beyneleu öneriniñ, horeografiya, kino men teatrdıñ jetistikterin älemge paş etu bolıp tabıladı. Qazaqstandıq taraptan memorandumğa «Ruhani jañğıru» bağdarlamasın iske asıru jönindegi Wlttıq komissiyanıñ hatşısı Aida Balaeva qol qoydı. «Britandıq Keñes jaqtan qoldaudıñ boluı, sonımen birge Sambridge University Press sekildi beldi wyımmen ıntımaqtastıq pen onıñ 500 jıldıq tarihı, talassız abıroyı bizdiñ jobanıñ sättiligine negiz bolar degen senimdemiz. Bwl audarma jwmısınıñ joğarı sapasına oñ äser etip, basılımnıñ Wlıbritaniyada ğana emes, jalpı ağılşın tildi älemge taraluına mümkindik berer degen senimdemiz. Däl osınday audarma jwmıstarın ispan, francuz, orıs, qıtay jäne arab tilderine audarıp, antologiya retinde şığaru üşin kelssiözderdi jürgizip jatqanımızdı atap ötkim keledi. Äleuetti seriktesterge talap ta joğarı. Aldımen täjiribege, abıroy men baspahananıñ mümkindikterine basımdıq beriledi», - dedi Aida Balaeva memorandumğa qol qoyu räsiminde söylegen sözinde. Öz kezeginde Sambridge University Press wyımınıñ reforma jäne bilim jönindegi direktorı Djeyn Mann Qazaqstanmen mädeni joba bağıtındağı ıntımaqtasıqqa quanatındarın jetkizdi. «Qazaqstandıq avtorlardıñ prozası men poeziyasın ağılşın tildi älemniñ oqırmandarına tanıstıru üşin barlıq küş-jigerimizdi salamız. Sambridge University Press bwl rette jwmıs jürgizu mümkindigine ie bolıp otırğanı üşin alğısın bildiredi», - deydi ol. Ayta ketsek, «Ruhani jañğıru» bağdarlamasınıñ mañızdı böligi sanalatın «Jahandıq älemdegi qazirgi qazaqstandıq mädeniet» jobası boyınşa qazirgi uaqıtta eki antologiya boyınşa qızu jwmıstar jürip jatır. Olar - «Qazaqstannıñ qazirgi poeziyasınıñ antologiyası» men «Qazaqstannıñ qazirgi prozasınıñ antologiyası». Ärbir antologiya bes jüz betten twradı. Ärbir antologiyağa 30 qazaqstandıq avtordıñ eñbekteri enedi. Antologiyalardıñ qwrılımı men mazmwnı Qazaqstan Jazuşılar odağınıñ arnayı otırısında bekitilgen bolatın.

“The Qazaq Times”