Foto: akorda.kz

Qazaqstannıñ Wlttıq Banki men Özbekstannıñ Ortalıq banki bank salasına qatıstı ekijaqtı kelisimge qol qoydı. Wlttıq banktiñ mälimetine qarağanda, atalğan qwjat qazaqstandıq bankter üşin Özbekstannıñ bank narığına şığuğa qwqıqtıq negiz qalıptastıradı.

Osı qwjat negizinde Taraptar eki memlekettiñ bank salasına qatıstı özgerister men jañalıqtarğa qatıstı aqparattarmen almasatın boladı. Sonımen qatar, normativti-qwqıqtıq retteuler, baqılaular äri wlttıq zañnamalarmen rwqsat etilgen deñgeyde banktik qadağalaular jasasa aladı.

«Qazaqstan bankteri qajetti talaptarğa jauap bergen jağdayda, olarğa Özbekstan territoriyasında transşekaralıq qwrılımdar qwru mümkindigi beriledi. Ol qanday talaptar degenge keler bolsaq, banktiñ 100 mln euro köleminde jarğılıq kapitalı boluı kerek, sonımen qatar, halıqaralıq deñgeyde wzaq merzimdi nesie reytingi boluı şart", - degen Wlttıq Banktiñ törağası Daniyar Akişevtiñ aytuınşa, «Halyk bank» bwğan deyin de özbekstandıq narıqqa qızığuşılıq tanıtqan. Ol, özge de bankter körşi elde enşiles bankter qwrudı qalaydı degen ümitte.

“The Qazaq Times”