Foto: akorda.kz

Qazaqstanda 1 şilde küni bala kezinen bastap İ toptağı müdegekter sanatına qosılğandardı kütip-baqqan adamdarğa järdemaqı engiziletin boldı. Bwl turalı QR Eñbek jäne halıqtı äleumettik qorğau ministri Mädina Äbilqasımova Astanada ötken baspasöz otırısında habarladı.

Onıñ aytuınşa, 30 mıñ teñge kölemindegi järdemaqını ay sayın 14 mıñnan astam otbası ala aladı. Ministr hanım, sonımen qatar, 2018 jılı äleumettik kömek körsetudiñ jaña forması engizilgenin de ayttı. Bwl kömek jağdayı tömen otbasılardıñ eñbekke jaramdı müşelerin jwmısqa tartuğa bağıttalğan. Osılayşa, bwl kömekti aluşılardıñ sanı 5 ay işinde 72 mıñğa jetip, olardıñ ortaşa järdemaqıları eki esege artqan.

«Endi bwdan bılay zeynetaqı jüyesi eñbek ötiline tolıqtay baylanıstı boladı. 2 mln zeynetkerdiñ zeynetaqıları köterildi. Olardıñ 1 mln-ı eñ joğarı kölemde zeynetaqı aladı. Al 930 mıñ adamnıñ zeynetaqısı 37% ben 81% aralığında. 2018 jıldıñ 1 qañtarınan bastap zeynetaqı 2018 jılmen salıstırğanda 1,8 esege arttırıldı», - dedi Äbilqasımova.

“The Qazaq Times”