ەۋروپارلامەنت جاڭا ۆيزاسىز ەرەجە ەنگىزۋدى قولعا الدى

ەۋروپا پارلامەنتىنىڭ دەپۋتاتتارى ۆيزاسىز ساياحاتتىڭ جاڭا زاڭدارىن قامتيتىن جاڭا ەرەجەلەر قاراستىرماق. بۇل تۋرالى «bbc.com» حابارلايدى.

اتالعان جاڭا ەرەجەلەرگە سايكەس، ۆيزاسىز ساياحاتتاۋ قۇقىعىن العان ساياحاتشىلار ەۋرووداق تەرريتورياسىنا كەلمەي تۇرىپ، ساياحات تۋرالى اقپارات جانە تىركەلۋ جۇيەسىن (ETIAS) پايدالانا وتىرىپ، تەكسەرۋدەن وتە الادى. بۇل باستاما 2021 جىلدان باستاپ كۇشىنە ەنۋى مۇمكىن، دەپ حابارلايدى bbc.com. ەۋروپا پارلامەنتىنىڭ ماجارستان دەپۋتاتى كينگا گال بۇل زاڭ تۇراقتى ساياحاتتاۋشىلار ءۇشىن وتە قولايلى بولاتىنىن مالىمدەدى. «بۇل وتە قاراپايىم پروتسەسس بولماق... ونلاين-تەكسەرىس ەۋرووداق تەرريتورياسىنا جەتپەي تۇرىپ جۇزەگە اسىرىلىپ قويادى»، - دەدى ول. «ۆيزاسىز ەلدەر» ازاماتتارى ساياحاتتاماس بۇرىن ەلەكتروندى فورماسىن تولتىرادى. ءوتىنىش سۇراقتارىنىڭ اراسىندا وتكەن ۋاقىتتارداعى قىلمىستىق ىستەرگە قاتىستى سۇراقتارى بولادى. بۇل بيلىك وكىلدەرىنە ساياحاتتانۋشى ازاماتتىڭ ەو ساپارىنان قانداي دا ءبىر قاۋىپ بار ما، جوق پا دەگەن ماسەلەنى جەڭىلدەتەدى. جوباعا سايكەس، تىركەلۋ 7 ەۋرو كولەمىندە بولادى، ال رۇقسات ءۇش جىل مەرزىمگە بەرىلەدى.

“The Qazaq Times”