Foto: Avstriya EO Keñesine törağalıq etuge mindetteldi

1-şildeden bastap Avstriyağa Europa Odağı Keñesine törağalıq etuşi memleket retinde jauapkerşilik jükteldi. Bwl turalı «lemonde.fr» basılımı habarlaydı.

Avstriya törağalığın bildiretin mañızdı mindetter retinde — köşi-qon jäne qauipsizdik boyınşa europalıq bağdarlamanı jüzege asıru; ekstremizm men radikalizmmen küres, EO-nıñ ğalamdıq strategiyasın jüzege asıru, köşi-qonnıñ saldarımen küreste Jerorta teñzi elderimen birigu jäne tb.  bolıp tabıladı. Sonımen qatar, jastar mäselesi, jwmıs orındarın qwru, äleumettik oqşaulanu men kedeyşilikpen küres te qolğa alınbaq. Sonıñ işinde, Avstriya ükimeti Europada büginde uşığıp twrğan bosqındar mäselesine köp köñil böletindikterin habarladı.

Eske salayıq, Europa Odağınıñ zañ şığaruşı organdarınıñ biri EO Keñesine törağalıq etuge altı ay merzimge oğan müşe-elder kezekpen ie bola aladı. Osıdan bwrın Keñeske törağalıq etuşi el Bolgariya bolğan edi.

“The Qazaq Times”