اۆستريا ەو كەڭەسىنە توراعالىق ەتۋشى مەملەكەت اتاندى

1-شىلدەدەن باستاپ اۆسترياعا ەۋروپا وداعى كەڭەسىنە توراعالىق ەتۋشى مەملەكەت رەتىندە جاۋاپكەرشىلىك جۇكتەلدى. بۇل تۋرالى «lemonde.fr» باسىلىمى حابارلايدى.

اۆستريا توراعالىعىن بىلدىرەتىن ماڭىزدى مىندەتتەر رەتىندە — كوشى-قون جانە قاۋىپسىزدىك بويىنشا ەۋروپالىق باعدارلامانى جۇزەگە اسىرۋ; ەكسترەميزم مەن راديكاليزممەن كۇرەس، ەو-نىڭ عالامدىق ستراتەگياسىن جۇزەگە اسىرۋ، كوشى-قوننىڭ سالدارىمەن كۇرەستە جەرورتا تەڭزى ەلدەرىمەن بىرىگۋ جانە تب.  بولىپ تابىلادى. سونىمەن قاتار، جاستار ماسەلەسى، جۇمىس ورىندارىن قۇرۋ، الەۋمەتتىك وقشاۋلانۋ مەن كەدەيشىلىكپەن كۇرەس تە قولعا الىنباق. سونىڭ ىشىندە، اۆستريا ۇكىمەتى ەۋروپادا بۇگىندە ۋشىعىپ تۇرعان بوسقىندار ماسەلەسىنە كوپ كوڭىل بولەتىندىكتەرىن حابارلادى.

ەسكە سالايىق، ەۋروپا وداعىنىڭ زاڭ شىعارۋشى ورگاندارىنىڭ ءبىرى ەو كەڭەسىنە توراعالىق ەتۋگە التى اي مەرزىمگە وعان مۇشە-ەلدەر كەزەكپەن يە بولا الادى. وسىدان بۇرىن كەڭەسكە توراعالىق ەتۋشى ەل بولگاريا بولعان ەدى.

“The Qazaq Times”