Foto: Auğan tälibteri

Auğanstandağı äskeri operaciyalar jalğastırılatın boladı. «Taliban» radikaldı qozğalısımen jasalğan uaqıtşa bitimniñ ayaqtalğanı turalı osı şeşimdi el prezidenti Aşraf Gani resmi türde mälimdegen. Bwl turalı jergilikti «Tolo News» telearnası habarlaydı.

Auğanstan prezidenti biliktiñ «beybitşilik üşin bärine dayın ekenin» aytıp, uaqıtşa bitimnen belgili bolğanday, halıqtıñ qaqtığıs jağdayınan äbden şarşağanın jetkizdi. Bwdan bwrın, Ramazan ayınıñ qwrmetine Gani birjaqtı uaqıtşa bitim jariyalağan edi. Alayda, tälibter jağı bwğan keliskenmen, eger qanday da bir sırtqı şabuıl jasala qalsa, «özderiniñ qarap qalmaytındıqtarın» eskertken edi. Köp wzamay-aq, DAIŞ ökilderimen Türkimenstanmen şekarada qaqtığıs orın alıp, auğanstandıq köptegen policeyler köz jwmğan bolatın. Endi, prezident Aşraf Ganidıñ mälimdeuinşe, osınday qaqtığıstardan mezi bolğan halıq üşin, bilik uaqıtşa bitimdi toqtatqanmen, jaqın künderde osı qaqtığıstarğa tübegeyli nükte qoyılğanın qalaydı.

“The Qazaq Times”