اۋعان پرەزيدەنتى گاني تالىبتەرمەن ءبىتىمدى توقتاتتى

اۋعانستانداعى اسكەري وپەراتسيالار جالعاستىرىلاتىن بولادى. «تاليبان» راديكالدى قوزعالىسىمەن جاسالعان ۋاقىتشا ءبىتىمنىڭ اياقتالعانى تۋرالى وسى شەشىمدى ەل پرەزيدەنتى اشراف گاني رەسمي تۇردە مالىمدەگەن. بۇل تۋرالى جەرگىلىكتى «Tolo News» تەلەارناسى حابارلايدى.

اۋعانستان پرەزيدەنتى بيلىكتىڭ «بەيبىتشىلىك ءۇشىن بارىنە دايىن ەكەنىن» ايتىپ، ۋاقىتشا بىتىمنەن بەلگىلى بولعانداي، حالىقتىڭ قاقتىعىس جاعدايىنان ابدەن شارشاعانىن جەتكىزدى. بۇدان بۇرىن، رامازان ايىنىڭ قۇرمەتىنە گاني بىرجاقتى ۋاقىتشا ءبىتىم جاريالاعان ەدى. الايدا، تالىبتەر جاعى بۇعان كەلىسكەنمەن، ەگەر قانداي دا ءبىر سىرتقى شابۋىل جاسالا قالسا، «وزدەرىنىڭ قاراپ قالمايتىندىقتارىن» ەسكەرتكەن ەدى. كوپ ۇزاماي-اق، دايش وكىلدەرىمەن تۇركىمەنستانمەن شەكارادا قاقتىعىس ورىن الىپ، اۋعانستاندىق كوپتەگەن پوليتسەيلەر كوز جۇمعان بولاتىن. ەندى، پرەزيدەنت اشراف گانيدىڭ مالىمدەۋىنشە، وسىنداي قاقتىعىستاردان مەزى بولعان حالىق ءۇشىن، بيلىك ۋاقىتشا ءبىتىمدى توقتاتقانمەن، جاقىن كۇندەردە وسى قاقتىعىستارعا تۇبەگەيلى نۇكتە قويىلعانىن قالايدى.

“The Qazaq Times”