Jergilikti policiya ökili Rayan Freyşur mälimdeme jasadı. Foto: Capital Gazette.

AQŞ-tıñ Merilend ştatındağı Annapolis qalasına ornalasqan Capital Gazette basılımınıñ redakciyasına qarulı şabuıl jasalıp, 3adam jaralanıp, 5 adam qaza taptı. Bwl turalı BBC sayttarı men Capital Gazette   basılımı habar tarattı.

Jergilikti policiya ökili Rayan Freyşur jasağan mälmetke qarağanda, qılmıs kümändisi qolğa alınıp, tergeu jwmısı bastalğan. Äzirge şabuıldıñ maqsatı turalı mälimetter joq ekenin aytadı.

Basılım qızmetkerlerin policiya tarauı qorğauğa aldı. Foto: Capital Gazette.

Qwrama Ştattağı BBC tilşileri jetkizgen mälimetke qarağanda, qarulı şabuıl jasauşı 20 jastan asqan er adam. Tergeu kezinde öz isiniñ maqsatı turalı jauap bermegen jäne sausaq izderi tabılmas üşin sausaq terilerin kesip tastağan eken. Qılmıs kümändisinen jauap ala almağan policiya tarabı isti özderi anıqtauğa kirisken.

Al, AQŞ-tıñ NBC arnası, policiya tarauınıñ isti anıqtap bolğanın, ayıptaluşınıñ üyine tintu jürgizgenin habarladı. Qolğa alınğan küdiktiniñ üyinen jarılğış zattar men granat tabılğan.

N'yu-York policiya tarauı BAQ ökilderine küdikti mälimet taratuda abaylaudı eskertken. Şabuılğa wşırağan Capital Gazette basılımınıñ özge qızmetkerleri qauipsiz orınğa aparılıp, policeyler tarabınan qorğauğa alınğan.

AQŞ prezidenti Donal'd Tramp öziniñ «Tvitter» paraqşasına bwl oqiğa turalı jazıp, atalğan oqiğadan habar alğanın, qwrban bolğandardıñ tuıstarına köñil aytqan.

“The Qazaq Times”