اقش-تا Capital Gazette رەداكتسياسىنا قارۋلى شابۋىل جاسالدى

اقش-تىڭ مەريلەند شتاتىنداعى انناپوليس قالاسىنا ورنالاسقان Capital Gazette باسىلىمىنىڭ رەداكتسياسىنا قارۋلى شابۋىل جاسالىپ، 3ادام جارالانىپ، 5 ادام قازا تاپتى. بۇل تۋرالى BBC سايتتارى مەن Capital Gazette   باسىلىمى حابار تاراتتى.

جەرگىلىكتى پوليتسيا وكىلى رايان فرەيشۋر جاساعان مالمەتكە قاراعاندا، قىلمىس كۇماندىسى قولعا الىنىپ، تەرگەۋ جۇمىسى باستالعان. ازىرگە شابۋىلدىڭ ماقساتى تۋرالى مالىمەتتەر جوق ەكەنىن ايتادى.

باسىلىم قىزمەتكەرلەرىن پوليتسيا تاراۋى قورعاۋعا الدى. فوتو: Capital Gazette.

قۇراما شتاتتاعى BBC تىلشىلەرى جەتكىزگەن مالىمەتكە قاراعاندا، قارۋلى شابۋىل جاساۋشى 20 جاستان اسقان ەر ادام. تەرگەۋ كەزىندە ءوز ءىسىنىڭ ماقساتى تۋرالى جاۋاپ بەرمەگەن جانە ساۋساق ىزدەرى تابىلماس ءۇشىن ساۋساق تەرىلەرىن كەسىپ تاستاعان ەكەن. قىلمىس كۇماندىسىنەن جاۋاپ الا الماعان پوليتسيا تارابى ءىستى وزدەرى انىقتاۋعا كىرىسكەن.

ال، اقش-تىڭ NBC ارناسى، پوليتسيا تاراۋىنىڭ ءىستى انىقتاپ بولعانىن، ايىپتالۋشىنىڭ ۇيىنە ءتىنتۋ جۇرگىزگەنىن حابارلادى. قولعا الىنعان كۇدىكتىنىڭ ۇيىنەن جارىلعىش زاتتار مەن گرانات تابىلعان.

نيۋ-يورك پوليتسيا تاراۋى باق وكىلدەرىنە كۇدىكتى مالىمەت تاراتۋدا ابايلاۋدى ەسكەرتكەن. شابۋىلعا ۇشىراعان Capital Gazette باسىلىمىنىڭ وزگە قىزمەتكەرلەرى قاۋىپسىز ورىنعا اپارىلىپ، پوليتسەيلەر تارابىنان قورعاۋعا الىنعان.

اقش پرەزيدەنتى دونالد ترامپ ءوزىنىڭ «تۆيتتەر» پاراقشاسىنا بۇل وقيعا تۋرالى جازىپ، اتالعان وقيعادان حابار العانىن، قۇربان بولعانداردىڭ تۋىستارىنا كوڭىل ايتقان.

“The Qazaq Times”