AQŞ-tıñ BWW-dağı twraqtı ökili Nikki Heyli. Foto: Pravda.

AQŞ keşe BWW Adam qwqıqtarın qorğau jönindegi keñesten şığatının mälimdedi. Bwl turalı AQŞ memlekettik hatşısı Pompeo men BWW-dağı twraqtı ökili Nikki Heyli jazbaşa mälimdeme jasadı.

Nikki Heyli bıltır jasağan eskertuinde, AQŞ tarabı qwramında 47 memleket bar BWW-nıñ Adam qwqıqtarın qorğau keñesinen şığuı mümkin ekenin aytqan. Onıñ körsetken sebebinde, atalğan keñes ünemi Izrail'di sınğa aladı jäne adam qwqığın qorğau jağdayı tömen elderge naqtı şara qoldanbaydı.   Bwl eskertuinen bwrın AQŞ ökili atalğan keñestiñ tärtibin, bağıtın, jwmıs erejesin reformalau kerek ekenin birneşe ret aytqan.

Atalğan mälimdemeden bir kün bwrın BWW-nıñ Adam qwqıqtarı jönindegi Joğarğı komissarı Zayed Raad Huseyn AQŞ-tıñ zañsız köşip-qonuşılardı şekteu sayasatı ata-ana men balalardı bir-birinen ayırıp otırğanın sınğa alğan edi.

“The Qazaq Times”