Foto: eadaily.com

BWW-nıñ resmi mälimeti boyınşa, 2016 jılmen salıstırğanda öz otandarın tastap, bezip ketken bosqındardıñ sanı 2,9 mln-ğa artqan. Al, olardıñ jartısın balalar qwraydı eken. Bwl turalı france24.com agenttigi BWW-nıñ resmi saytına silteme jasap habarlaydı.

«Kongo Demokratiyalıq Respublikasındağı dağdarıs, Oñtüstik Sudandağı soğıs jäne Myan'madağı Rohinja mwsılmandarınıñ qudalanuı mäjbürli qonıs audaruşılar sanın rekordtı deñgeyge jetkizdi. Biz, älem elderi bolıp adamdardı köşirudiñ tıñ äri jaña jolın tabumız kerek», - degen BWW-nıñ bosqındar isi jönindegi Joğarı komissarı Filippo Grandi.

BWW mälimeti boyınşa qaqtığıs pen qudalaudan qaşqan bosqındar sanı 68, 5 mln., al bassauğa izdeuşiler sanı 2017 jıldıñ soñına qaray 3.1 mln. adamğa artqan. Al, 40 mln-ğa juığı el işinde «köşip-qonuda» eken. Sonımen qatar, statistikağa qarağanda, Süriya işki migraciya sanı basım elderdiñ köşin bastaydı. Odan keyingi orında Kolumbiya, Kongo Demokratiyalıq Respublikası jäne Auğanstan elderi bar. Bosqındardıñ jartısınan köbin palestinalıqtar qwraydı. Al qalğandarı Süriya, Auğanstan, Oñtüstik Sudan, Myan'ma jäne Somali elderiniñ twrğındarı eken. Ayta ketetin jayt, resmi sanaq boyınşa, bosqındardıñ 85%-ı damığan elderge bas sauğalaydı eken.

“The Qazaq Times”