بۇۇ-نىڭ رەسمي مالىمەتى بويىنشا، 2016 جىلمەن سالىستىرعاندا ءوز وتاندارىن تاستاپ، بەزىپ كەتكەن بوسقىنداردىڭ سانى 2,9 ملن-عا ارتقان. ال، ولاردىڭ جارتىسىن بالالار قۇرايدى ەكەن. بۇل تۋرالى france24.com اگەنتتىگى بۇۇ-نىڭ رەسمي سايتىنا سىلتەمە جاساپ حابارلايدى.
«كونگو دەموكراتيالىق رەسپۋبليكاسىنداعى داعدارىس، وڭتۇستىك سۋدانداعى سوعىس جانە ميانماداعى روحينجا مۇسىلماندارىنىڭ قۋدالانۋى ءماجبۇرلى قونىس اۋدارۋشىلار سانىن رەكوردتى دەڭگەيگە جەتكىزدى. ءبىز، الەم ەلدەرى بولىپ ادامداردى كوشىرۋدىڭ تىڭ ءارى جاڭا جولىن تابۋمىز كەرەك»، - دەگەن بۇۇ-نىڭ بوسقىندار ءىسى جونىندەگى جوعارى كوميسسارى فيليپپو گراندي.
بۇۇ مالىمەتى بويىنشا قاقتىعىس پەن قۋدالاۋدان قاشقان بوسقىندار سانى 68, 5 ملن.، ال باسساۋعا ىزدەۋشىلەر سانى 2017 جىلدىڭ سوڭىنا قاراي 3.1 ملن. ادامعا ارتقان. ال، 40 ملن-عا جۋىعى ەل ىشىندە «كوشىپ-قونۋدا» ەكەن. سونىمەن قاتار، ستاتيستيكاعا قاراعاندا، ءسۇريا ىشكى ميگراتسيا سانى باسىم ەلدەردىڭ كوشىن باستايدى. ودان كەيىنگى ورىندا كولۋمبيا، كونگو دەموكراتيالىق رەسپۋبليكاسى جانە اۋعانستان ەلدەرى بار. بوسقىنداردىڭ جارتىسىنان كوبىن پالەستينالىقتار قۇرايدى. ال قالعاندارى ءسۇريا، اۋعانستان، وڭتۇستىك سۋدان، ميانما جانە سومالي ەلدەرىنىڭ تۇرعىندارى ەكەن. ايتا كەتەتىن جايت، رەسمي ساناق بويىنشا، بوسقىنداردىڭ 85%-ى دامىعان ەلدەرگە باس ساۋعالايدى ەكەن.
ءبىز رەسەيدىڭ گۋبەرنياسى ەمەسپىز! سوۆەت تۋىن جۇلىپ العانى ءۇشىن قامالعان ازامات شىقتى
شوقپار اۋىلىنداعى ۋران قاتەرى. اكىم جوققا شىعارادى. تۇرعىندار رادياتسيا دەپ ۇرەيلەنەدى
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى