Elimizdiñ Bas prokuraturası qaşqın bankir Mwhtar Äbilyazov qwrğan «Qazaqstannıñ demokratiyalıq tañdauı» attı ektremistik wyımnıñ äkki äreketterin äşkere qıldı. Qwzırlı orın ökilderi qaltalı käsipker qazaqstandıqtardı 23 mausım küni jappay miting wyımdastıruğa şaqıru üşin arnayı rolik tüsirgenin aytadı. Al atalğan beynejazbağa Kievtegi käsibi akterlar tüskeni mälim bolğan.

Mwhtar Äbilyazov el işine iritki salatın rolikti tüsiru üşin Ukrainadağı jarnama agenttiginiñ qızmetkerlerin jaldaptı. Odan bölek, joğarğı bilimi bar akterlardı jwmıldırğan. Qazaqstannıñ Bas prokuraturası Äbilyazovtıñ arandatuşılıq piğılda wyımdastırğalı jatqan kez kelgen şaralarına otandastarımızdı qatıspauğa şaqırdı. Öytkeni, elimizde ektremistik wyım dep tanılğan «Qazaqstannıñ demokratiyalıq tañdauı» partiyasınıñ kez kelgen äreketine Qazaqstanda şekteu qoyılğan. Atalğan partiyanı jaqtap, olardıñ poziciyasın qwp körgender qılmıstıq jauapkerşilikke tartılmaq. Bas prokuratura osı jayttı qaperge alıp, twrğındarğa saq boludı eskertedi.

“The Qazaq Times”