فوتو: Forbes.kz

ەلىمىزدىڭ باس پروكۋراتۋراسى قاشقىن بانكير مۇحتار ءابىليازوۆ قۇرعان «قازاقستاننىڭ دەموكراتيالىق تاڭداۋى» اتتى ەكترەميستىك ۇيىمنىڭ اككى ارەكەتتەرىن اشكەرە قىلدى. قۇزىرلى ورىن وكىلدەرى قالتالى كاسىپكەر قازاقستاندىقتاردى 23 ماۋسىم كۇنى جاپپاي ميتينگ ۇيىمداستىرۋعا شاقىرۋ ءۇشىن ارنايى روليك تۇسىرگەنىن ايتادى. ال اتالعان بەينەجازباعا كيەۆتەگى كاسىبي اكتەرلار تۇسكەنى ءمالىم بولعان.

مۇحتار ءابىليازوۆ ەل ىشىنە ىرىتكى سالاتىن روليكتى ءتۇسىرۋ ءۇشىن ۋكرايناداعى جارناما اگەنتتىگىنىڭ قىزمەتكەرلەرىن جالداپتى. ودان بولەك، جوعارعى ءبىلىمى بار اكتەرلاردى جۇمىلدىرعان. قازاقستاننىڭ باس پروكۋراتۋراسى ءابىليازوۆتىڭ ارانداتۋشىلىق پيعىلدا ۇيىمداستىرعالى جاتقان كەز كەلگەن شارالارىنا وتانداستارىمىزدى قاتىسپاۋعا شاقىردى. ويتكەنى، ەلىمىزدە ەكترەميستىك ۇيىم دەپ تانىلعان «قازاقستاننىڭ دەموكراتيالىق تاڭداۋى» پارتياسىنىڭ كەز كەلگەن ارەكەتىنە قازاقستاندا شەكتەۋ قويىلعان. اتالعان پارتيانى جاقتاپ، ولاردىڭ پوزيتسياسىن قۇپ كورگەندەر قىلمىستىق جاۋاپكەرشىلىككە تارتىلماق. باس پروكۋراتۋرا وسى جايتتى قاپەرگە الىپ، تۇرعىندارعا ساق بولۋدى ەسكەرتەدى.

“The Qazaq Times”