Foto: parstoday

AQŞ-tıñ Wlttıq äue-ğarış wyımı (NASA) basşısınıñ irandıq ağa orınbasarı AQŞ Prezidenti Donal'd Tramptıñ migranttarğa qarsı sayasatına narazılıq bildirip: «Irandıqtar ejelgi zamannıñ eñ zamanaui örkenietine ie bolğan şaqta, Kaliforniya äli Karib teñiziniñ astında jatqan» dedi. Bwl turalı “Fars” baspasözi habar tarattı.

AQŞ-tıñ Wlttıq äue-ğarış wyımı (NASA) basşısınıñ ağa orınbasarı äri kün jüyesin zertteu böliminiñ basşısı professor Firuz Naderi Tramptıñ islam elderine, sonıñ işinde Iranğa qatıstı antimigraciyalıq  sayasattarına toqtalıp: «NASA basşılarınıñ 43 payızı, AQŞ-tıñ matematikter qoğamına müşelerdiñ  21 payızı, därigerlerdiñ 14 payızı, komp'yuterlik bağdarlamalar jazuşılardıñ 17 payızı, AQŞ-tıñ ataqtı universitetterindegi wstazdardıñ 11 payızı – irandıqtar.

AQŞ-tıñ jaña Prezidenti ondağan jıldıq aqparattıq soğıs pen milliard dollar jwmsap, älemniñ eñ üzdik mamandarın tartu jwmıstarınıñ nätijesin aqımaqtıqpen jelge wşırdı.

Donal'd Tramp AQŞ-tıñ abıroyın, tipti öz odaqtastarı aldında da tökti. Öziniñ ar-wjdanın Saud Arabiyanıñ bala öltirgiş rejiminiñ dollarlarına satıp jiberdi» dep qatañ sın-pikirin aytıp tastadı.

«The Qazaq Times»