NASA-نىڭ يراندىق باسشىسى ترامپتى اۋىر سوزدەرمەن سىنادى

اقش-تىڭ ۇلتتىق اۋە-عارىش ۇيىمى (NASA) باسشىسىنىڭ يراندىق اعا ورىنباسارى اقش پرەزيدەنتى دونالد ترامپتىڭ ميگرانتتارعا قارسى ساياساتىنا نارازىلىق بىلدىرىپ: «يراندىقتار ەجەلگى زاماننىڭ ەڭ زاماناۋي وركەنيەتىنە يە بولعان شاقتا، كاليفورنيا ءالى كاريب تەڭىزىنىڭ استىندا جاتقان» دەدى. بۇل تۋرالى “فارس” ءباسپاسوزى حابار تاراتتى.

اقش-تىڭ ۇلتتىق اۋە-عارىش ۇيىمى (NASA) باسشىسىنىڭ اعا ورىنباسارى ءارى كۇن جۇيەسىن زەرتتەۋ ءبولىمىنىڭ باسشىسى پروفەسسور فيرۋز نادەري ترامپتىڭ يسلام ەلدەرىنە، سونىڭ ىشىندە يرانعا قاتىستى انتيميگراتسيالىق  ساياساتتارىنا توقتالىپ: «NASA باسشىلارىنىڭ 43 پايىزى، اقش-تىڭ ماتەماتيكتەر قوعامىنا مۇشەلەردىڭ  21 پايىزى، دارىگەرلەردىڭ 14 پايىزى، كومپيۋتەرلىك باعدارلامالار جازۋشىلاردىڭ 17 پايىزى، اقش-تىڭ اتاقتى ۋنيۆەرسيتەتتەرىندەگى ۇستازداردىڭ 11 پايىزى – يراندىقتار.

اقش-تىڭ جاڭا پرەزيدەنتى ونداعان جىلدىق اقپاراتتىق سوعىس پەن ميلليارد دوللار جۇمساپ، الەمنىڭ ەڭ ۇزدىك ماماندارىن تارتۋ جۇمىستارىنىڭ ناتيجەسىن اقىماقتىقپەن جەلگە ۇشىردى.

دونالد ترامپ اقش-تىڭ ابىرويىن، ءتىپتى ءوز وداقتاستارى الدىندا دا توكتى. ءوزىنىڭ ار-ۇجدانىن ساۋد ارابيانىڭ بالا ولتىرگىش رەجيمىنىڭ دوللارلارىنا ساتىپ جىبەردى» دەپ قاتاڭ سىن-پىكىرىن ايتىپ تاستادى.

«The Qazaq Times»