Foto: Haybatulla Ahunzada

«Taliban» radikaldı qozğalısınıñ jetekşisi Haybatulla Ahunzada «Auğanstandı qwtqarudıñ jalğız jolı şeteldik äskeri kontigentterdi elden şığaru bolıp tabıladı», - dep mälimdeme jasağan. Bwl turalı «ca-news.org» agenttigi habarlaydı.

Haybatulla Ahunzada Aq üy biligin Auğanstandağı köpjıldıq teketireske nükte qoyu üşin beybit kelissözderdi bastauğa şaqırğan. «Eger amerikalıq  resmi twlğalar qaqtığıstıñ beybit şeşiluin şınımen qalasa, onda olar kelissözder üsteline otırıp, tikeley dialog bastauları kerek. Amerikalıq şeneunikterdiñ eñ ülken qatelikteri olar ärbir mäseleni şeşude qırsıqtıq tanıtadı. Alayda, küş qoldanu arqılı ünemi oydağıday nätijege jetu mümkin emes», - degen Ahunzada.

«Auğanstandı qwtqarudıñ jalğız jolı AQŞ pen özge de elderdiñ NATO-nıñ äskeri qimıldarına qatısuşı äskeri kontigentterin şığaru bolıp tabıladı», degen Talibandardıñ lideri şeteldik äskerilerdiñ kirgiziluimen Auğanstanda payda bolğan dağdarıs jağdayınıñ tek qana beybit kelissözder arqılı şeşiletinin de aytıp ötti. Onıñ sözinşe, osı qaqtığıstıñ qiın saldarınan Amerika men Auğanstan halqı köbirek zardap şegude.

Bwğan deyin Auğanstan prezidenti Aşraf Ganidıñ Ramazan ayı ayaqtalğanşa, 12-19 mausım künderi aralığında Talibandarğa qarsı birjaqtı uaqıtşa bitim jariyalağanı turalı jazğanbız. Osığan säykes, Talibandar da üş kündik bitim jasaytındıqtarın, alayda  özderine qarsı qanday da bir sırtqı şabuıl jasalsa, "qarap qalmaytındıqtarın" habarlağan. Artınşa, Auğanstannıñ Türkimenstanmen şekarasında Talibandar men DAIŞ arasında qaqtığıs orın alıp, uaqıtşa bitim merziminen bwrın ayaqtalğan bolatın. Qaqtığıs barısında auğanstandıq 16 äskeri qızmetker qaza tauıp, tağı birneşe adam auır jaralandı. Auğanstan biligi eldegi jağdaydıñ bwrınğıdan da şielenisip ketkenin habarlağan edi. Osığan oray "Taliban" qozğalısınıñ basşısı H.Ahunzada eldegi qaqtığıstıñ ayaqtaluı AQŞ-tıñ şeşimine baylanıstı dep mälimdedi.

“The Qazaq Times”