Foto: eadaily.com

Europa Odağına (EO) müşe boludan ümitker tört memleket Bryussel' tarapınan Reseyge salınatın sankciyağa qoldau bildirude. EO Reseyge osı jıldıñ naurız ayında Qırımda «saylau» ötkizgeni üşin sankciya salğan edi.

Albaniya, Çernogoriya, Norvegiya jäne Ukraina elderi EO-tıñ Reseyge qarsı sankciya saluın qwptap, qoldau körsetetindikterin mälimdedi. Bwl turalı keşe, 12 mausım küni EO-tıñ sırtqı sayasat jäne qauipsizdik mäseleleri jönindegi joğarı ökili Federiki Mogerini habarladı.

Esteriñizge salayıq, 14 mamır küni EO Reseydiñ Qırımda prezidenttik «saylau» ötkizgeni üşin antireseylik sankciya engizetini turalı mälimdegen edi. 18 naurızda Reseyde prezident saylauı ötkeni bärimizge belgili. Sol uaqıtta kezinde resmi Mäskeu tarapınan küştep basıp alınğan Qırımda da saylau ötkizuge şeşim şığarılıp, bwl Ukraina biliginiñ narazılığın tudırğan edi. Ukraina halıqaralıq wyımdar men iri elderge Qırımdağı saylau qorıtındıların moyındamauğa şaqırıp, ötiniş jasağan bolatın. Ukraina prezidenti Petr Poroşenko «saylaudı» halıqaralıq qwqıq bwzuşılıq dep atap, Kreml'ge qısımdı küşeytuge şaqırddı. Al qazir özge elder de Reseyge sankciya salınuın talap etude..

“The Qazaq Times”