تاعى ءۇش ەل ەو-تىڭ رەسەيگە قارسى سانكتسياسىنا قولداۋ بىلدىرۋدە

ەۋروپا وداعىنا (ەو) مۇشە بولۋدان ۇمىتكەر ءتورت مەملەكەت بريۋسسەل تاراپىنان رەسەيگە سالىناتىن سانكتسياعا قولداۋ بىلدىرۋدە. ەو رەسەيگە وسى جىلدىڭ ناۋرىز ايىندا قىرىمدا «سايلاۋ» وتكىزگەنى ءۇشىن سانكتسيا سالعان ەدى.

البانيا، چەرنوگوريا، نورۆەگيا جانە ۋكراينا ەلدەرى ەو-تىڭ رەسەيگە قارسى سانكتسيا سالۋىن قۇپتاپ، قولداۋ كورسەتەتىندىكتەرىن مالىمدەدى. بۇل تۋرالى كەشە، 12 ماۋسىم كۇنى ەو-تىڭ سىرتقى ساياسات جانە قاۋىپسىزدىك ماسەلەلەرى جونىندەگى جوعارى وكىلى فەدەريكي موگەريني حابارلادى.

ەستەرىڭىزگە سالايىق، 14 مامىر كۇنى ەو رەسەيدىڭ قىرىمدا پرەزيدەنتتىك «سايلاۋ» وتكىزگەنى ءۇشىن انتيرەسەيلىك سانكتسيا ەنگىزەتىنى تۋرالى مالىمدەگەن ەدى. 18 ناۋرىزدا رەسەيدە پرەزيدەنت سايلاۋى وتكەنى بارىمىزگە بەلگىلى. سول ۋاقىتتا كەزىندە رەسمي ماسكەۋ تاراپىنان كۇشتەپ باسىپ الىنعان قىرىمدا دا سايلاۋ وتكىزۋگە شەشىم شىعارىلىپ، بۇل ۋكراينا بيلىگىنىڭ نارازىلىعىن تۋدىرعان ەدى. ۋكراينا حالىقارالىق ۇيىمدار مەن ءىرى ەلدەرگە قىرىمداعى سايلاۋ قورىتىندىلارىن مويىنداماۋعا شاقىرىپ، ءوتىنىش جاساعان بولاتىن. ۋكراينا پرەزيدەنتى پەتر پوروشەنكو «سايلاۋدى» حالىقارالىق قۇقىق بۇزۋشىلىق دەپ اتاپ، كرەملگە قىسىمدى كۇشەيتۋگە شاقىرددى. ال قازىر وزگە ەلدەر دە رەسەيگە سانكتسيا سالىنۋىن تالاپ ەتۋدە..

“The Qazaq Times”