Foto: 20minutes.fr

Yemendegi äskeri qaqtığıstı toqtatudıñ tıñ ädisi retinde Birikken wlttar wyımı (BWW) hüsitterdiñ Saud-Arabiya territoriyasındağı zımıran soqqıların toqtatuların qarastıratın  jospar wsındı. Bwğan jauap retinde Saud-Arabiyasınıñ jetekşiligindegi arab odağı elderi de olardı bombalaudı toqtatadı. Bwl turalı francuzdıq liberation.fr agenttigi habarladı.

Äzirge resmi türde jariyalanbağan jospar eldegi üş jıldıq azamat soğısın toqtatuğa jasalğan soñğı qadam. Bwl soğıs soñğı jıldardağı eñ qorqınıştı gumanitarlıq apattarğa sebep boldı, dep jazılğan. Onıñ üstine, soğıstı beybit şeşu jobası Yemende ötpeli ükimet qwru qajettiligin de qamtidı. Atalğan agenttiktiñ habarlauınşa, Yemendegi äskeri äreket 2014 jıldan beri jalğasuda. Maydannıñ bir jağında Irannıñ qoldauına ie köterilisşi-hüsitter, al ekinşi tarap — Saud-Arabiyasınıñ jetekşiligindegi arab odağına qarastı bölimşe.

“The Qazaq Times”