بۇۇ يەمەندەگى قاقتىعىستى رەتتەۋ جوباسىن ۇسىندى

يەمەندەگى اسكەري قاقتىعىستى توقتاتۋدىڭ تىڭ ءادىسى رەتىندە بىرىككەن ۇلتتار ۇيىمى (بۇۇ) حۇسيتتەردىڭ ساۋد-ارابيا تەرريتورياسىنداعى زىمىران سوققىلارىن توقتاتۋلارىن قاراستىراتىن  جوسپار ۇسىندى. بۇعان جاۋاپ رەتىندە ساۋد-ارابياسىنىڭ جەتەكشىلىگىندەگى اراب وداعى ەلدەرى دە ولاردى بومبالاۋدى توقتاتادى. بۇل تۋرالى فرانتسۋزدىق liberation.fr اگەنتتىگى حابارلادى.

ازىرگە رەسمي تۇردە جاريالانباعان جوسپار ەلدەگى ءۇش جىلدىق ازامات سوعىسىن توقتاتۋعا جاسالعان سوڭعى قادام. بۇل سوعىس سوڭعى جىلدارداعى ەڭ قورقىنىشتى گۋمانيتارلىق اپاتتارعا سەبەپ بولدى، دەپ جازىلعان. ونىڭ ۇستىنە، سوعىستى بەيبىت شەشۋ جوباسى يەمەندە وتپەلى ۇكىمەت قۇرۋ قاجەتتىلىگىن دە قامتيدى. اتالعان اگەنتتىكتىڭ حابارلاۋىنشا، يەمەندەگى اسكەري ارەكەت 2014 جىلدان بەرى جالعاسۋدا. مايداننىڭ ءبىر جاعىندا يراننىڭ قولداۋىنا يە كوتەرىلىسشى-حۇسيتتەر، ال ەكىنشى تاراپ — ساۋد-ارابياسىنىڭ جەتەكشىلىگىندەگى اراب وداعىنا قاراستى بولىمشە.

“The Qazaq Times”